ആമസോൺ പ്രൈം ഇനി നിർമാണത്തിലേയ്ക്കും; ആദ്യ ചിത്രം അക്ഷയ് കുമാറിന്റെ രാം സേതു 

സിനിമ നിർമാണ രംഗത്തേക്ക് ചുവടുവച്ച് ആമസോൺ പ്രൈം വിഡിയോ. അക്ഷയ് കുമാർ നായകനാകുന്ന പുതിയ ചിത്രം 'രാം സേതു' ആണ് ആമസോൺ പ്രൈം നിർമ്മിക്കുന്ന ആദ്യ ചിത്രം.  അഭിഷേക് ശർമയാണ് ചിത്രമൊരുക്കുന്നത്. 

എന്തിരൻ 2വിനു ശേഷം അക്ഷയ് കുമാർ - ലൈക പ്രൊഡക്‌ഷൻസ് ഒന്നിക്കുന്നെന്ന പ്രത്യേകതയും ചിത്രത്തിനുണ്ട്. മാർച്ച് 18ന് അയോധ്യയിലാണ് സിനിമയുടെ ചിത്രീകരണം ആരംഭിക്കുന്നത്. 

ചിത്രത്തിൽ ആർക്കിയോളജിസ്റ്റിന്റെ വേഷത്തിലാണ് അക്ഷയ് കുമാർ എത്തുന്നത്. നുസ്രത്ത് ബറുച്ച, ജാക്വലിൻ ഫെർണാണ്ടസ് എന്നിവരാണ് മറ്റ് താരങ്ങൾ.