ഇത്തവണ തീ ഇല്ല, പകരം ട്രോഫി; വേട്ടയ്യൻ റിവ്യുവുമായി അനിരുദ്ധ് രവിചന്ദർ

ഓരോ ദിവസവും തരം​ഗമായി മാറി കൊണ്ടിരിക്കുകയാണ് ടിജെ ജ്ഞാനവേൽ - രജിനികാന്ത് കൂട്ടുകെട്ടിലെത്തുന്ന വേട്ടയ്യന്റെ ട്രെയ്‌ലർ. ഇതിനോടകം തന്നെ 10 മില്യൺ പേരാണ് വേട്ടയ്യൻ ട്രെയ്‌ലർ യൂട്യൂബിൽ കണ്ടത്. ഇപ്പോഴിതാ വേട്ടയ്യൻ റിവ്യു പങ്കുവച്ചിരിക്കുകയാണ് സം​ഗീത സംവിധായകൻ അനിരുദ്ധ് രവിചന്ദര്‍. സമീപകാലത്ത് അനിരുദ്ധ് രവിചന്ദര്‍ സിനിമകളെ കുറിച്ച് നടത്തുന്ന അഭിപ്രായം സോഷ്യൽ മീഡിയയിൽ ചര്‍ച്ചയായി മാറാറുണ്ട്.

ഇമോജികളിലൂടെയാണ് അനിരുദ്ധ് സിനിമകള്‍ക്ക് റിവ്യു നല്‍കാറുള്ളത്. അനിരുദ്ധ് സം​ഗീത സംവിധാനം നിർവഹിച്ചിട്ടുള്ള ചിത്രങ്ങൾക്കാണ് അദ്ദേഹം റിവ്യു നൽകാറുള്ളതും. ലിയോയ്‍ക്ക് തീ ഇമോജികള്‍ അനിരുദ്ധ് നൽകിയതെങ്കിൽ വേട്ടയ്യന് ട്രോഫികളാണ് അനി നൽകിയിരിക്കുന്നത്. രജിനികാന്തിന്റെ ജയിലറിന് തീ ഇമോജി ആയിരുന്നു അനിരുദ്ധ് നൽകിയിരുന്നത്.

എന്തായാലും അനിയുടെ റിവ്യു കൂടി എത്തിയതോടെ വേട്ടയ്യനിലുള്ള സിനിമാ പ്രേക്ഷകരുടെ പ്രതീക്ഷയും ഇരട്ടിയായിരിക്കുകയാണ്. വേട്ടയ്യനിലെ മനസിലായോ എന്ന ​ഗാനം 50 മില്യൺ കാഴ്ചക്കാരുമായി യൂട്യൂബിൽ ട്രെൻഡിങ്ങായി തന്നെ തുടരുകയാണ്.

വീണ്ടും 'രക്തരക്ഷസ്സ്'; ഇക്കുറി ഡോള്‍ബി അറ്റ്‌മോസ് ശബ്ദമികവില്‍, കലാനിലയം പുതു വേദിയിലേക്ക്

ഒക്ടോബർ 10 നാണ് ചിത്രം തിയറ്ററുകളിലെത്തുക. അമിതാഭ് ബച്ചൻ, മഞ്ജു വാര്യർ, ഫഹദ് ഫാസിൽ, റാണ ദ​ഗുബതി തുടങ്ങി വൻ താരനിരയാണ് ചിത്രത്തിനായി അണിനിരക്കുന്നത്.