'വണ്ടി പോണേൽ പോട്ടെ... ജീവനോടെ ഉണ്ടല്ലോ'; അപകടത്തെക്കുറിച്ച് ആന്റണി വർ​ഗീസ്

കഴിഞ്ഞ വർഷം താൻ കടന്നു പോയ പ്രതിസന്ധികളെക്കുറിച്ച് പറഞ്ഞ് നടൻ ആന്റണി വർ​ഗീസ് പെപ്പെ. കഴിഞ്ഞ വർഷത്തിന്റെ മുക്കാൽ ഭാ​ഗവും ആശുപത്രികൾക്കും വേദനകൾക്കും ഇടയിലായിരുന്നുവെന്നും പെപ്പെ ഫെയ്സ്ബുക്കിൽ കുറിച്ചു. നവംബർ മാസത്തിൽ സംഭവിച്ച അപകടത്തെ കുറിച്ചും അതിൽ നിന്ന് പരിക്കോടെ രക്ഷപ്പെട്ടതിനെക്കുറിച്ചും നടൻ കുറിച്ചിട്ടുണ്ട്. കാട്ടാളൻ ആണ് പെപ്പെയുടേതായി അണിയറയിൽ ഒരുങ്ങുന്ന ചിത്രം.

ആന്റണി വർ​ഗീസിന്റെ ഫെയ്സ്ബുക്ക് കുറിപ്പ്

They say what doesn't kill you makes you stronger, but I think 2025 took that a little too literally

ജിമ്മിലെ പരിക്ക്, ഷൂട്ടിനിടയിലെ അപകടം... അങ്ങനെ വർഷത്തിന്റെ മുക്കാൽ ഭാഗവും ആശുപത്രികൾക്കും വേദനകൾക്കും ഇടയിലായിരുന്നു.

​അങ്ങനെ പോകുമ്പോൾ ആണ് 15 November 2025, വാഗമൺ വെച്ച് ഒരു ആക്സിഡന്റ് കൂടെ ബോണസ് ആയി അടിച്ചു കിട്ടി. അത്യാവശ്യം തരക്കേടില്ലാത്ത പരിക്കോടു കൂടി വണ്ടിയിൽ ഉണ്ടായിരുന്ന ഞങ്ങൾ 3 പേരും രക്ഷപെട്ടു..

എന്റെ പ്രിയപ്പെട്ട ആദ്യത്തെ വണ്ടി 'ടോട്ടൽ ലോസ്' ആയി മാറി. പക്ഷെ തകർന്നുപോയ ആ വണ്ടി ഞങ്ങളുടെ മൂന്ന് പേരുടെയും ജീവൻ കാത്തു. വണ്ടിയുടെ നമ്പർ 1818 എന്നായിരുന്നു. ആ നമ്പറിലും മാലാഖമാരുടെ സാന്നിധ്യത്തിലും ഞാൻ എപ്പോഴും വിശ്വസിച്ചിരുന്നു. എന്റെ ആ വിശ്വാസം തെറ്റിയില്ലെന്ന് എനിക്ക് ബോധ്യമായി. വണ്ടി പോണേൽ പോട്ടെ...ജീവനോടെ ഉണ്ടല്ലോ, അത് മതി.

On one hand, it was the most grueling year of my life. But amidst that chaos, there was magic. ​In 2025, I also got to work on some good things too. In the moments I wasn't healing, I was creating, filming, and stepping into the future I’ve always dreamed of.

അപ്പൊ എല്ലാം പറഞ്ഞ പോലെ...... പുതിയ പരിപാടികളുടെ ആവേശവുമായി 2026-ലേക്ക് കടക്കുന്നു. മുറിപ്പാടുകളുണ്ട്, പക്ഷെ മനസ്സ് തകർന്നിട്ടില്ല. പുതിയൊരു തുടക്കത്തിനായി...

പുതുവത്സരാശംസകൾ. പറക്കൂ, ഫുൾ ഓൺ ഫുൾ പവർ