'നീയാണ് എന്റെ...'; ആഷ്നയുടെ കൈപിടിച്ച് അർമാൻ മാലിക്, വിവാഹചിത്രം പങ്കുവച്ച് ​ഗായകൻ

ഗായകൻ അര്‍മാന്‍ മാലിക് വിവാഹിതനായി. ആഷ്ന ഷ്റോഫാണ് വധു. ഏറെ നാളത്തെ പ്രണയത്തിന് ശേഷമാണ് ഇരുവരും വിവാഹിതരായത്. അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹച്ചടങ്ങിൽ പങ്കെടുത്തത്. ആരാധകരും സഹപ്രവർത്തകരുമുൾപ്പെടെ നിരവധി പേരാണ് ഇരുവർക്കും വിവാഹാശംസകൾ നേർന്ന് രം​ഗത്തെത്തുന്നത്.

"നീയാണെന്റെ ആലയം" എന്ന ക്യാപ്ഷനൊപ്പമാണ് അർമാൻ വിവാഹചിത്രങ്ങൾ പങ്കുവച്ചിരിക്കുന്നത്. ഓറഞ്ച് നിറത്തിലുള്ള ലെഹങ്കയിലാണ് ആഷ്‌ന വിവാഹവേദിയിലെത്തിയത്. പേസ്റ്റല്‍ നിറത്തിലുള്ള ഷെര്‍വാണി സ്യൂട്ടാണ് അര്‍മാന്റെ വേഷം. 2023 ഓഗസ്റ്റിലായിരുന്നു അര്‍മാന്റേയും ആഷ്‌നയുടേയും വിവാഹനിശ്ചയം.

'ഒരുപാട് സ്നേഹം'; റെട്രോ പുത്തൻ പോസ്റ്ററുമായി സൂര്യ, വൻ തിരിച്ചുവരവാകട്ടെ എന്ന് ആശംസിച്ച് ആരാധകരും

വജാ തും ഹോ, അലൈ വൈകുണ്ഠപുരമുലോ എന്ന ചിത്രത്തിലെ ബുട്ട ബൊമ്മ തുടങ്ങി നിരവധി ഹിറ്റ് ഗാനങ്ങള്‍ അർമാൻ ആലപിച്ചിട്ടുണ്ട്. ഫാഷന്‍, ബ്യൂട്ടി ബ്ലോഗറും യൂട്യൂബറുമാണ് ആഷ്‌ന.