കാന്‍ ചലച്ചിത്ര മേളയില്‍ ഇന്ത്യയുടെ അഭിമാനമായി മാറിയ ഓള്‍ വി ഇമാജിന്‍ ആസ് ലൈറ്റില്‍ മലയാളി നടന്‍ അസീസ് നെടുമങ്ങാടും. ചിത്രത്തില്‍ മലയാളി ഡോക്ടറുടെ റോളിലാണ് താരം എത്തിയത്. എന്നാല്‍ ചിത്രം കാന്‍ ഫെസ്റ്റിവലില്‍ എത്തിയപ്പോള്‍ സിനിമാസംഘത്തിനൊപ്പം പോകാനുള്ള ക്ഷണം താരം നിരസിക്കുകയായിരുന്നു.
സായിപ്പന്മാര്‍ വന്ന് ഇംഗ്ലീഷില്‍ വല്ലതും ചോദിച്ചാല്‍ ബബ്ബബ്ബ അടിക്കുമെന്ന് പറഞ്ഞാണ് അസീസ് ക്ഷണം നിരസിച്ചത്. ചിത്രത്തിലേക്ക് കാസ്റ്റ് ചെയ്തുകൊണ്ട് എത്തിയ ഹിന്ദി ഫോണ്‍ കോളും അസീസ് കട്ട് ചെയ്യുകയായിരുന്നു. ഫോണെടുത്തപ്പോള്‍ ഹിന്ദി പറയുന്നതുകേട്ട് കസ്റ്റമര്‍ കെയറില്‍ നിന്നാകും എന്ന് വിചാരിച്ചാണ് കോള്‍ കട്ട് ചെയ്തത്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
ചിത്രത്തില്‍ ഡോ. മനോജ് എന്ന കഥാപാത്രത്തെയാണ് അസീസ് അവതരിപ്പിച്ചത്. കനി കുസൃതിയുടെ നഴ്‌സ് പ്രഭ എന്ന കഥാപാത്രത്തെ പ്രണയിക്കുന്ന നഴ്‌സായാണ് താരം എത്തിയത്. പുതുതായി മുംബൈയിലേക്ക് എത്തിയ മലയാളി ഡോക്ടറുടെ കഥാപാത്രമായതിനാല്‍ തനിക്ക് മാത്രം പറയാവുന്ന ഹിന്ദി മതിയായിരുന്നു അവര്‍ക്ക് എന്നാണ് അസീസ് പറയുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
