ഭരത് മുരളി പുരസ്കാരം ദുർ​ഗ കൃഷ്ണയ്ക്ക്

പതിമൂന്നാമത് ഭരത് മുരളി പുരസ്കാരം നടി ദുർ​ഗ കൃഷ്ണയ്ക്ക്. ഉടൽ എന്ന സിനിമയിലെ പ്രകടനമാണ് ദുർ​ഗ കൃഷ്ണയെ പുരസ്കാരത്തിന് അർഹയാക്കിയത്. അന്തരിച്ച നടൻ മുരളിയുടെ പേരിൽ ഭരത് മുരളി കൾച്ചറൽ സെന്റർ ഏർപ്പെടുത്തിയതാണ് പുരസ്കാരം. മുരളിയുടെ 13ാം ചരമ വാർഷികത്തോടനുബന്ധിച്ചാണ് പുരസ്കാരം പ്രഖ്യാപിച്ചത്.

25,000 രൂപയും പ്രശസ്തിപത്രവും അടങ്ങുന്നതാണ് അവാർഡ്. ഈ മാസം 30ന് കൊല്ലം പ്രസ് ക്ലബ് ഹാളിൽ നടക്കുന്ന ചടങ്ങിൽ സംവിധായകൻ കെ പി കുമാരൻ പുരസ്കാരം സമ്മാനിക്കും. സംവിധായകൻ ആർ ശരത്, മാധ്യമ പ്രവർത്തകൻ എം കെ സുരേഷ്, കൾച്ചറൽ സെന്റർ ചെയർമാൻ പല്ലിശ്ശേരി, സെക്രട്ടറി വി കെ സന്തോഷ് കുമാർ എന്നിവർ അടങ്ങുന്ന ജൂറിയാണ് പുരസ്‌കാരം നിശ്ചയിച്ചത്. 

രതീഷ് രഘുനന്ദന്‍ സംവിധാനം ചെയ്ത ചിത്രത്തിൽ ഷൈനി എന്ന കഥാപാത്രത്തെയാണ് ദുർ​ഗ കൃഷ്ണ അവതരിപ്പിച്ചത്. ഇന്ദ്രൻസ്, ധ്യാൻ ശ്രീനിവാസൻ എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിച്ചത്. മികച്ച പ്രകടനമാണ് ദുർ​ഗ കാഴ്ചവച്ചത്.  ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലനാണ് ചിത്രം നിർമിച്ചത്. 

ഈ വാര്‍ത്ത കൂടി വായിക്കൂ

നടിമാർ സ്വന്തമായി സിനിമ വിജയിപ്പിക്കട്ടേ, എന്നിട്ട് തുല്യ വേതനം ആവശ്യപ്പെടാം; ധ്യാൻ ശ്രീനിവാസൻ

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ