ബിപാഷ ബസുവിന് കുഞ്ഞു പിറന്നു, പേര് പുറത്തുവിട്ട് താരം

ബോളിവുഡ് താരദമ്പതികളായ ബിപാഷ ബസുവിനും നടന്‍ കരണ്‍ സിങ്ങ്‌ ഗ്രോവറിനും  കുഞ്ഞു പിറന്നു. പെണ്‍കുഞ്ഞാണ്. സന്തോഷവാർത്ത ബിപാഷ തന്നെയാണ് സമൂഹമാധ്യമങ്ങളിലൂടെ പങ്കുവച്ചത്. കുഞ്ഞിന്റെ പേരും വെളിപ്പെടുത്തി. ദേവി ബസു സിങ്ങ്‌ ഗ്രോവര്‍ എന്നാണ് കുഞ്ഞിന് പേര് നൽകിയിരിക്കുന്നത്. സൂപ്പർതാരങ്ങൾ ഉൾപ്പടെ നിരവധി താരങ്ങളാണ് ബിപാഷക്കും കരണിനും ആശംസകളുമായി എത്തിയിരിക്കുന്നത്. മകളുടെ പേര് മനോഹരമാണെന്നും അവർ കുറിക്കുന്നുണ്ട്. 

​ഗർഭകാല ഫോട്ടോഷൂട്ട് പങ്കുവച്ചുകൊണ്ടാണ് ആദ്യത്തെ കൺമണിക്കായുള്ള കാത്തിരിപ്പിലാണെന്ന വിവരം ഇരുവരും അറിയിച്ചത്. ഒറ്റയ്ക്ക് തുടങ്ങിയ ജീവിതയാത്രയുടെ ഒരു ഘട്ടത്തിൽ തങ്ങൾ പരസ്പരം കണ്ടുമുട്ടി. രണ്ടു പേർ ഒന്നിച്ചു തുടങ്ങിയ യാത്രയിൽ മൂന്നാമതൊരാൾ കൂടി ചേരുകയാണ്. ഞങ്ങളുടെ പ്രണയത്തിൽ നിന്നും രൂപപ്പെട്ട സൃഷ്ടിയാണ് അത്. തങ്ങളുടെ കുഞ്ഞ് ഉടൻ തന്നെ എത്തുമെന്നാണ് താരദമ്പതികൾ കുറിച്ചിരിക്കുന്നത്. 

അതിനു പിന്നാലെ ​ഗർഭകാല വിശേഷങ്ങളുമായി ബിപാഷ സോഷ്യൽ മീഡിയയിൽ നിറഞ്ഞു. താരത്തിന്റെ ബേബി ഷവറും ആഘോഷമാക്കിയിരുന്നു. 2015 ൽ പുറത്തിറങ്ങിയ 'എലോൺ' എന്ന സിനിമയുടെ സെറ്റിൽ വെച്ച് പരിചയപ്പെട്ട ബിപാഷയും കരണും 2016ലാണ് വിവാഹിതരായത്. 

ഈ വാർത്ത കൂടി വായിക്കൂ 

റോഡിൽ അപകടം, പെട്ടിഓട്ടോക്കാർ രക്ഷകരായി, കട്ടപ്പനയിലെത്തിയപ്പോൾ വീണ്ടും കുടുങ്ങി; വിഡിയോയുമായി ലെന​

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ