അഭിനയിക്കാന്‍ കഴിയുമെന്ന് ഉറപ്പുണ്ടോ? വിനയ് ഫോര്‍ട്ട് ചിത്രത്തിലേക്ക് കാസ്റ്റിങ് കോള്‍ 

നടന്‍ വിനയ് ഫോര്‍ട്ട് പ്രധാന കഥാപാത്രത്തെ അവതരിപ്പിക്കുന്ന സിനിമയിലേക്ക് അഭിനേതാക്കളെ ക്ഷണിച്ച് അണിയറപ്രവര്‍ത്തകര്‍. മേയില്‍ ചിത്രീകരണം ആരംഭിക്കുന്ന ചിത്രത്തിലേക്ക് എല്ലാ പ്രായത്തിലും രൂപത്തിലുമുള്ള അഭിനേതാക്കളെയാണ് വിളിച്ചിരിക്കുന്നത്. നന്നായി അഭിനയിക്കാന്‍ കഴിയുമെന്ന വിശ്വാസമുള്ള സ്ത്രീപുരുഷന്മാരെയും കുട്ടികളെയും ആവശ്യമുണ്ടെന്ന് കാസ്റ്റിങ് കോളില്‍ പറയുന്നു.  

 താത്പര്യമുള്ളവര്‍ filmthefamily@gmail.com എന്ന ഐഡിയിലേക്ക് വീഡിയോകളും ചിത്രങ്ങളുമടങ്ങുന്ന ബയോഡേറ്റ ഈ മാസം 15ന് മുന്‍പായി അയയ്ക്കുക. ഷോര്‍ട്ട് ലിസ്റ്റ് ചെയ്യപ്പെടുന്നവര്‍ക്ക് ഓഡിഷന്‍ ഉണ്ടായിരിക്കുന്നതാണ്. ഇടുക്കി, കോട്ടയം ജില്ലകളിലുള്ളവര്‍ക്ക ആണ് മുന്‍ഗണന

.