പർപ്പിൾ സാരിയിൽ ദീപിക, 'എൻ്റെ മനോഹരമായ പിറന്നാൾ സമ്മാന'മെന്ന് രൺവീർ

തങ്ങളുടെ ജീവിതത്തിലെ ഏറ്റവും വലിയ സന്തോഷത്തിനായുള്ള കാത്തിരിപ്പിലാണ് താരദമ്പതികളായ രൺവീർ സിങും ദീപിക പദുക്കോണും. സെപ്റ്റംബറിലാണ് ഇരുവരുടേയും ജീവിതത്തിലേക്ക് കുഞ്ഞതിഥിയെത്തുക. ഇന്ന് രൺവീറിന്റെ 39-ാം ജന്മദിനമാണ്. താരങ്ങളും ആരാധകരുമടക്കം നിരവധി പേരാണ് രൺവീറിന് പിറന്നാൾ ആശംസകൾ നേരുന്നത്.

അനന്ദ് അംബാനിയുടെയും രാധിക മെര്‍ച്ചന്റിന്റെയും സം​ഗീത് ചടങ്ങിന് പങ്കെടുത്ത ചിത്രം പങ്കുവച്ചിരിക്കുകയാണ് ദീപിക. പർപ്പിൾ നിറത്തിലെ സാരിയിലാണ് ദീപിക ചടങ്ങിനെത്തിയത്. 'വെറുതേ...കാരണം ഇന്ന് വെള്ളിയാഴ്ച രാത്രിയാണ്... കുഞ്ഞിന്റെ ഇമോജിയ്ക്കൊപ്പം പാർട്ടി ആ​ഗ്രഹിക്കുന്നു'വെന്നാണ് ദീപിക ക്യാപ്ഷനായി കുറിച്ചിരിക്കുന്നത്.

രൺവീറിനെ ടാ​ഗ് ചെയ്തിട്ടുമുണ്ട് താരം. 'എൻ്റെ മനോഹരമായ പിറന്നാൾ സമ്മാനം, ഐ ലവ് യു' എന്നാണ് ദീപികയുടെ പോസ്റ്റിന് രൺവീർ കമന്റ് ചെയ്തിരിക്കുന്നത്. മാർച്ചിലാണ് തങ്ങൾ മാതാപിതാക്കളാകാൻ പോകുന്നുവെന്ന കാര്യം ദീപികയും രൺവീറും അറിയിച്ചത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

2018ലായിരുന്നു ഇരുവരും വിവാഹിതരായത്. നാഗ് അശ്വിൻ സംവിധാനം ചെയ്ത കൽക്കി 2898 എഡിയാണ് ദീപികയുടേതായി ഒടുവിൽ പ്രേക്ഷകർക്ക് മുന്നിലെത്തിയ ചിത്രം. രോഹിത് ഷെട്ടി സംവിധാനം ചെയ്യുന്ന സിങ്കം എഗെയ്‌നിൽ ഇരുവരും ഒന്നിച്ചെത്തുന്നുണ്ട്.