"എനിക്ക് വേണ്ടി കാശ് ചോദിയ്ക്കാൻ വേറൊരു തെണ്ടിയുടെ ആവശ്യമില്ല"; അരുൺ ​ഗോപി 

വ്യാജ പ്രൊഫൈലിലൂടെ തന്റെ പേരിൽ പണം ചോദിക്കുന്ന അപരനെക്കുറിച്ച് മുന്നറിയിപ്പ് നൽകി സംവിധായകൻ അരുൺ ​ഗോപി. ഇതാ ഒരു അപരൻ..!! ശ്രദ്ധിക്കുക!! എന്നുകുറിച്ച് തന്റെ പേരിൽ പണം ആവശ്യപ്പെട്ട് സന്ദേശം അയച്ചതിന്റെ സ്ക്രീൻഷോട്ട് അദ്ദേഹം പങ്കുവച്ചു. അത്യവശ്യമായി 20,000രൂപ അയക്കണമെന്നും ഉടൻ മടക്കി നൽകാമെന്നുമാണ് സന്ദേശത്തിന്റെ ഉള്ളടക്കം. പണം അയച്ചുനൽകാൻ മൊബൈൽ നമ്പറടക്കം നൽകിയിട്ടുണ്ട്.

അരുൺ ​ഗോപിയുടെ പോസ്റ്റ്

ഇതാ ഒരു അപരൻ..!! ശ്രദ്ധിക്കുക!! എനിക്ക് വെരിഫൈഡ് ആയ ഒരു അക്കൗണ്ട് ഉണ്ട് മറ്റൊന്നും എന്റേതല്ല !! ദയവായി ശ്രദ്ധിക്കുക !!
എനിക്ക് വേണ്ടി കാശ് ചോദിയ്ക്കാൻ വേറൊരു തെണ്ടിയുടെ ആവശ്യമില്ല!!