ചുരുക്കം സിനിമകൾ കൊണ്ട് തിരശ്ശീലയ്ക്ക് പിന്നിലിരുന്ന് തെന്നിന്ത്യയിൽ തന്റേതായ വ്യക്തിമുദ്ര പതിപ്പിച്ച സംവിധായകനാണ് ലോകേഷ് കനകരാജ് (Lokesh Kanagaraj). ഇപ്പോൾ ലോകേഷ് നായകനായി അരങ്ങേറ്റം കുറിക്കാൻ ഒരുങ്ങുന്നു എന്ന റിപ്പോർട്ടുകളാണ് പുറത്ത് വരുന്നത്. ധനുഷ് നായകനായ ക്യാപ്റ്റൻ മില്ലറിന്റെ സംവിധായകൻ അരുൺ മാതേശ്വറിന്റെ അടുത്ത ചിത്രത്തിൽ ലോകേഷ് നായകനാകുമെന്നാണ് റിപ്പോർട്ടുകൾ. ഇതിനായി തായ്ലൻഡിൽ തീവ്രമായ ആയോധനകലാ പരിശീലിനത്തിലാണ് താരമിപ്പോൾ. മികച്ച ഒരു ആക്ഷൻ എന്റർടെയ്നറാണ് അണിയറയിൽ ഒരുങ്ങുന്നത് എന്നാണ് സൂചന.
ധനുഷിനെ നായകനാക്കി ഇളയരാജയുടെ ബയോപിക്കായിരുന്നു അരുൺ ചെയ്യാനിരുന്നത്. എന്നാൽ ആ പ്രൊജക്റ്റ് നീണ്ടുപോയ സാഹചര്യത്തിൽ ലോകേഷിനെ നായകനാക്കി അടുത്ത ചിത്രം സംവിധാനം ചെയ്യാൻ ഒരുങ്ങുന്നു എന്നാണ് റിപ്പോർട്ട്.തന്റെ ചില സിനിമകളിലും അദ്ദേഹം മുഖം കാണിച്ചിട്ടുണ്ട്.
അതേസമയം, ലോകേഷ് കനകരാജ് - രജനീകാന്ത് കൂട്ടുകെട്ടില് പുറത്തിറങ്ങാൻ ഒരുങ്ങുന്ന ഗ്യാങ്സ്റ്റര് ആക്ഷന് ഡ്രാമ ചിത്രമാണ് കൂലി .വമ്പന് താര നിര അണി നിരക്കുന്ന ചിത്രം 2025 ഓഗസ്റ്റ് 14 ന് പ്രദര്ശനത്തിനെത്തും.രജനികാന്തും ലോകേഷ് കനകരാജും ആദ്യമായി ഒന്നിക്കുന്ന ചിത്രമാണ് കൂലി. ഇതിന് ശേഷമായിക്കും കാര്ത്തി നായകനാകുന്ന കൈതി 2ന്റെ വര്ക്കുകള് ആരംഭിക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
