'സ്തുതി' പാടി ദിവ്യ എസ് അയ്യർ, നന്ദി പറഞ്ഞ് കുഞ്ചാക്കോ ബോബൻ- വിഡിയോ

സോഷ്യൽ മീഡിയയിൽ ഹിറ്റാവുകയാണ് ബോ​ഗയ്ൻവില്ലയിലെ സ്തുതി ​ഗാനം. ജ്യോതിർമയിയുടേയും കുഞ്ചാക്കോ ബോബന്റേയും സൂപ്പർ ഡാൻസിനൊപ്പം എത്തിയ ​ഗാനം വളരെ പെട്ടെന്നാണ് ആരാധകരുടെ മനം കവർന്നത്. ഇപ്പോൾ സ്തുതി പാട്ടുമായി എത്തിയിരിക്കുകയാണ് ഡോ ദിവ്യ എസ് അയ്യർ ഐഎഎസ്.

ഇൻസ്റ്റ​ഗ്രാമിലൂടെയാണ് സ്തുതി പാട്ട് വിഡിയോ ദിവ്യ പങ്കുവച്ചത്. ഈ പാട്ടിനു ഉയിരേകിയവർക്കും സ്തുതി. ജ്യോതിർമയി എന്ന ജ്വാല. തുടർച്ചയായി കേട്ട് കൊണ്ടിരിക്കുകയാണ്.- എന്ന അടിക്കുറിപ്പിലാണ് വിഡിയോ പോസ്റ്റ് ചെയ്തത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

നിരവധി പേരാണ് ദിവ്യയുടെ പാട്ടിനെ പ്രശംസിച്ചുകൊണ്ട് രം​ഗത്തെത്തിയത്. നന്ദി പറഞ്ഞ് നടൻ കുഞ്ചാക്കോ ബോബൻ ദിവ്യയുടെ വിഡിയോ ഷെയർ ചെയ്തു. കഴിഞ്ഞ ദിവസമാണ് സ്തുതി പുറത്തെത്തിയത്. അമൽ നീരദ് സംവിധാനം ചെയ്യുന്ന ബോ​ഗയ്ൻവില്ലയിലെ ​ഗാനം ഒരുക്കിയത് സുശീൽ ശ്യാം ആണ്. വിനായക് ശശികുമാർ ആണ് ‘സ്തുതി’ക്ക് വരികൾ കുറിച്ചത്. മേരി ആൻ അലക്സാണ്ടറും സുശീലും ചേർന്നാണ് പാട്ട് പാടിയത്.