പ്രണയതീരത്തെ സാക്ഷിയാക്കി...; നടി എമി ജാക്സണും എഡ് വെസ്റ്റ്​വികും വിവാഹിതരായി

നടി എമി ജാക്സണും എഡ് വെസ്റ്റ്​വികും വിവാഹിതരായി. ഇരുവരുടെയും അടുത്ത ബന്ധുക്കളും സുഹൃത്തുക്കളും മാത്രമാണ് ഇറ്റലിയിലെ അമാൽഫി തീരത്ത് വച്ച് നടന്ന വിവാഹചടങ്ങിൽ പങ്കെടുത്തത്. യാത്ര ഇതാ തുടങ്ങിക്കഴിഞ്ഞു എന്ന കുറിപ്പോടെ വിവാഹ ചിത്രങ്ങള്‍ എമി സമൂഹമാധ്യമത്തില്‍ പങ്കുവച്ചത്.

തൂവെള്ള നിറത്തിലെ ​ഗൗണിൽ അതിസുന്ദരിയായാണ് എമിയെ ചിത്രങ്ങളിൽ കാണാനാവുക. നിരവധി ആരാധകരാണ് ഇരുവർക്കും വിവാഹാശംസകൾ‌ നേരുന്നത്. ബ്രിട്ടീഷ് മോഡലും നടിയുമായ എമിയും ഇം​ഗ്ലീഷ് നടനും സം​ഗീതജ്ഞനുമായ എഡ് വെസ്റ്റ്​വികും 2022 ജൂണിലാണ് തങ്ങൾ പ്രണയത്തിലാണെന്ന് വെളിപ്പെടുത്തിയത്. 2021മുതൽ ഇരുവരും ഡേറ്റിംഗിലായിരുന്നു. തുടർന്ന് വിവാഹ നിശ്ചയവും കഴിഞ്ഞിരുന്നു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ബിസിനസുക്കാരനായ ജോര്‍ജ് പനയോറ്റുമായി മുൻപ് എമി ജാക്‌സൺ പ്രണയത്തിലായിരുന്നു. ഈ ബന്ധത്തിൽ ആന്‍ഡ്രിയാസ് എന്ന് പേരിട്ടിരിക്കുന്ന ഒരു മകനുമുണ്ട് എമിയ്ക്ക്. അഭിപ്രായ വ്യത്യാസങ്ങളെ തുടര്‍ന്നാണ് ഇരുവരും വേര്‍പിരിഞ്ഞത്. 2.0, ഐ, തങ്കമകൻ, മദ്രാസ പട്ടണം, താണ്ഡവം, ഏക് ദീവാനാ ഥാ, യെവാഡു തുടങ്ങിയ ചിത്രങ്ങളിലും എമി അഭിനയിച്ചിട്ടുണ്ട്.