ഫഹദിനെ എടുത്തുയർത്തി ആൾക്കൂട്ടം; ആവേശമായി ഫസ്റ്റ്ലുക്ക് പോസ്റ്റർ, റിലീസ് തിയതി പുറത്ത്

സൂപ്പർ ഹിറ്റായി മാറിയ രോമാഞ്ചത്തിനു ശേഷം ജീത്തു മാധവൻ സംവിധാനം ചെയ്യുന്ന ചിത്രമാണ് ആവേശം. ഫഹദ് ഫാസിലാണ് ചിത്രത്തിൽ പ്രധാന വേഷത്തിലെത്തുന്നത്. ഇപ്പോൾ ആരാധകരുടെ ആവേശമേറ്റിക്കൊണ്ട് ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തെത്തിയിരിക്കുകയാണ്. 

ഫഹദ് ഫാസിലിനെ എടുത്ത് ഉയർത്തിയിരിക്കുന്ന ആൾക്കൂട്ടത്തെയാണ് പോസ്റ്ററിൽ കാണുന്നത്. വെള്ള വസ്ത്രവും സ്വർണാഭരണവും കൂളിങ് ​ഗ്ലാസും അണിഞ്ഞ് സ്റ്റൈലിഷ് ലുക്കിലാണ് ഫഹദ് എത്തുന്നത്. 2024 വിഷു റിലീസ് ആയിട്ടായിരിക്കും ചിത്രം റിലീസാകുക. 2024 ഏപ്രില്‍ 11ന് ചിത്രം തീയറ്ററുകളില്‍ എത്തും. 

ബെംഗളൂരുവിലെ ഒരു കോളേജിന്‍റെ പാശ്ചത്തലത്തില്‍ പറയുന്ന വളരെ വ്യത്യസ്തമായ ഒരു ക്യാമ്പസ് ചിത്രമാണ് ഇതെന്നാണ് വിവരം. നര്‍‌മ്മത്തിന് പ്രധാന്യം നല്‍കിയാണ് ചിത്രം ഒരുക്കുന്നത്. രോമാഞ്ചത്തിന്റെ പ്രീക്വലായിരിക്കും ചിത്രമെന്നും റിപ്പോർട്ടുകളുണ്ട്. ജിത്തു മാധവന്‍ തന്നെയാണ് തിരക്കഥ. സമീര്‍ താഹിറാണ് ക്യാമറ. സുഷിന്‍ ശ്യാം ആണ് സംഗീതം നിര്‍വഹിക്കുന്നത്. നസ്രിയയും അൻവർ റഷീദും ചേർന്നാണ് ചിത്രം നിർമിക്കുന്നത്. 

ഈ വാര്‍ത്ത കൂടി വായിക്കൂ 

മുഖത്തും കയ്യിലും മർദനമേറ്റ പാട്; 'അമ്മയും സഹോദരനും ഉപദ്രവിക്കുന്നു', സഹായം അഭ്യർത്ഥിച്ച് നടിയുടെ വിഡിയോ​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ