ഗുണ്ടാ തലവനായി ഫഹദ് ഫാസിൽ, കറുപ്പിൽ മാസായി 'ആവേശം' ലുക്ക്; ലൊക്കേഷൻ ചിത്രം വൈറൽ

ഫഹദ് ഫാസിൽ നായകനായി എത്തുന്ന പുതിയ ചിത്രം ആവേശത്തിലെ ലൊക്കേഷൻ ചിത്രങ്ങൾ പുറത്ത്. സൂപ്പർഹിറ്റായി മാറിയ രോമാഞ്ചത്തിന്റെ സംവിധായകൻ ജിത്തു മാധവനാണ് ആവേശം ഒരുക്കുന്നത്. ചിത്രത്തിൽ ​ഗുണ്ടാ നേതാവിന്റെ റോളിലാണ് ഫഹദ് ഫാസിൽ എത്തുന്നത്. 

സോഷ്യൽ മീഡിയയിൽ വൈറലാവുകയാണ് ഫഹദിന്റെ ആവേശം ലുക്ക്. പക്കാ ​ഗുണ്ട ലുക്കിലാണ് ഫഹദിനെ ചിത്രങ്ങളിൽ കാണുന്നത്. കറുത്ത വേഷവും വെള്ളി ആഭരണങ്ങളും കൂളിങ് ​ഗ്ലാസും അണിഞ്ഞാണ് താരം എത്തുന്നത്. കട്ടി മീശയും നീട്ടി വളർത്തിയ കൃതാവുമാണ് ഫഹദിന്റെ ലുക്ക് വ്യ‌ത്യസ്തമാക്കുന്നുണ്ട്. ഒരു കൂട്ടം ​ഗുണ്ടകളേയും താരത്തിനൊപ്പം കാണാം. രോമാഞ്ചം സിനിമയിലൂെട ശ്രദ്ധേയനായ സജിൻ ഗോപുവും കൂട്ടത്തിലുണ്ട്. 

ബം​​ഗളൂരു പശ്ചാത്തലമാക്കിയാണ് ചിത്രം ഒരുക്കിയിരിക്കുന്നത്. കോമഡി എന്‍റര്‍ടെയിനര്‍ സ്വഭാവത്തില്‍ ക്യാമ്പസ് പശ്ചാത്തലത്തിലായിരിക്കും ചിത്രം ഒരുക്കുകയെന്നും റിപ്പോര്‍ട്ടുകളുണ്ട്. സംവിധായകനായ ജിത്തു മാധവന്‍ തന്നെയാണ് ചിത്രത്തിന്‍റെ തിരക്കഥ ഒരുക്കുന്നത്. സമീര്‍ താഹിര്‍ ചിത്രത്തിന് ഛായാഗ്രഹണം നിര്‍വഹിക്കുന്നു. സുഷിന്‍ ശ്യാം ആണ് സംഗീത സംവിധാനം.  

ഈ വാര്‍ത്ത കൂടി വായിക്കൂ

'ഓപ്പന്‍ഹൈമറിനേക്കാള്‍ എനിക്ക് റോക്കട്രി ഇഷ്ടപ്പെട്ടു': മാധവനെ പ്രശംസിച്ച് എആര്‍ റഹ്മാന്‍, നന്ദി കുറിച്ച് താരം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ