പ്രമുഖ നടന്‍ ഓടിച്ച കാര്‍ വഴിയാത്രക്കാരനെ ഇടിച്ചിട്ടു;  പൊലീസ് കേസ് എടുത്തു

മുംബൈ: ബോളിവുഡ് നടന്‍ രജത് ബേദി ഓടിച്ച കാര്‍ ഇടിച്ച് കാല്‍നടയാത്രക്കാരന് ഗുരുതര പരിക്ക്. തിങ്കളാഴ്ച വൈകീട്ടായിരുന്നു നടന്‍ വീട്ടിലേക്ക് പോകുന്നതിനിടെ കാര്‍ കാല്‍നട യാത്രക്കാരനെ ഇടിക്കുകയായിരുന്നു. ഗുരുതരമായി പരിക്കേറ്റ  ഇയാള്‍ ആശുപത്രിയില്‍ ചികിത്സയിലാണ്. 

സംഭവവുമായി ബന്ധപ്പെട്ട് നടനെതിരെ പൊലീസ് കേസ് എടുത്തു. അന്ധേരിയിലെ ക്ഷേത്രത്തിന് സമീപത്തുവച്ചായിരുന്നു അപകടം. വഴിയാത്രക്കാരന്‍ റോഡ് മുറിച്ചുകടക്കുന്നതിനിടെ രജത് ബേദി ഓടിച്ച വാഹനം ഇടിക്കുകയായിരുന്നു. ഉടന്‍ തന്നെ പരിക്കേറ്റയാളെ രജത് ബേദി ആശുപത്രിയില്‍ എത്തിച്ചു. അപകടമുണ്ടായ വിവരം പൊലീസില്‍ അറിയിക്കുകയും ചെയ്തു.

ഐപിസി മോട്ടോര്‍ വാഹനനിയമങ്ങളിലെ വിവിധ വകുപ്പുകള്‍ പ്രകാരമാണ് നടനെതിരെ രേസ് രജിസ്റ്റര്‍ ചെയ്തത്. ഇന്നാല്‍ ഇതുവരെ നടനെ അറസ്റ്റ് ചെയ്തിട്ടില്ലെന്ന് പൊലീസ് പറഞ്ഞു. 

ഹൃതിക് റോഷന്‍ നായകനായ കോയിമില്‍ ഗയ ഉള്‍പ്പെടെ നിരവധി ചിത്രങ്ങളില്‍ ബേദി അഭിനയിച്ചിട്ടുണ്ട്.