'തല ഇരിക്കും പോത് വാൽ ആട കൂടാത്...'; ​ഗുഡ് ബാഡ് അഗ്ലിയിൽ അജിത്തിന്റെ ആ ഹിറ്റ് പാട്ടും

നടൻ അജിത് കുമാറിന്റേതായി റിലീസിനൊരുങ്ങുന്ന ചിത്രമാണ് ​ഗുഡ് ബാഡ് അ​ഗ്ലി. ആദിക് രവിചന്ദ്രൻ ആണ് ചിത്രം സംവിധാനം ചെയ്യുന്നത്. കോളിവുഡിൽ ചിത്രം പുതിയൊരു ട്രെൻഡ് സൃഷ്ടിക്കുമെന്നാണ് ആരാധകരുടെ പ്രതീക്ഷ. ഇപ്പോഴിതാ ചിത്രത്തിലെ പാട്ടിനേക്കുറിച്ചുള്ള ഒരു വിവരമാണ് സോഷ്യൽ മീഡിയയിൽ ചർച്ചയാകുന്നത്. അജിത്തിന്റെ തന്നെ ധീന എന്ന ചിത്രത്തിലെ 'വത്തിക്കുച്ചി' എന്ന ഹിറ്റ് ഗാനം‌ ​ഗുഡ് ബാഡ് അ​ഗ്ലിയിൽ റീമിക്സ് ചെയ്ത് എത്തുമെന്നാണ് പുതിയ റിപ്പോർട്ടുകൾ.

ജി വി പ്രകാശ് ആണ് ചിത്രത്തിന് സംഗീതമൊരുക്കുന്നത്. മുൻപ് ആദിക് രവിചന്ദ്രന്റെ മാർക്ക് ആന്റണി എന്ന ചിത്രത്തിൽ പഞ്ചുമിഠായി എന്ന് തുടങ്ങുന്ന ​ഗാനം റീമിക്സ് ചെയ്ത് ഉപയോ​ഗിച്ചിരുന്നു. മൂന്നോളം ലുക്കിലാണ് അജിത് ചിത്രത്തിലെത്തുന്നത്. ഏപ്രിൽ 10 നാണ് ചിത്രം റിലീസ് ചെയ്യുക. ഏപ്രിൽ 9 ന് രാത്രി ചിത്രത്തിന്റെ പ്രീമിയർ ഷോയും അണിയറപ്രവർത്തകർ ഒരുക്കിയിട്ടുണ്ട്.

തൃഷ, സുനിൽ, പ്രസന്ന, അർജുൻ ദാസ് എന്നിവരും ചിത്രത്തിൽ പ്രധാന വേഷത്തിലെത്തുന്നുണ്ട്. മാര്‍ക്ക് ആന്റണിയുടെ വിജയത്തിന് ശേഷം ആദിക് രവിചന്ദ്രന്റെ സംവിധാനത്തില്‍ എത്തുന്ന ചിത്രമാണിത്. ചിത്രത്തിന്‍റെ ഛായാഗ്രഹണം അഭിനന്ദന്‍ രാമാനുജമാണ്. എആർ മുരു​ഗദോസ് സംവിധാനം ചെയ്ത് 2001 ൽ പുറത്തിറങ്ങിയ ചിത്രമാണ് ധീന.

'ബസൂക്ക' പ്രണയ ദിനത്തിലും വരില്ല; വീണ്ടും റിലീസ് നീട്ടിയതായി റിപ്പോർട്ട്

അജിത്തും ന​ഗ്മയും ​ആയിരുന്നു ചിത്രത്തിൽ പ്രധാന വേഷത്തിലെത്തിയത്. യുവൻ ശങ്കർ രാജയായിരുന്നു ചിത്രത്തിന്റെ സം​ഗീതവും പശ്ചാത്തല സം​ഗീതവുമൊരുക്കിയത്. എസ് പി ബാലസുബ്രഹ്മണ്യം ആണ് 'വത്തിക്കുച്ചി' എന്ന ​ഗാനം ആലപിച്ചിരിക്കുന്നത്.