തിയറ്ററിൽ എത്തിയതിന് പിന്നാലെ വിജയ് ചിത്രം മാസ്റ്റർ ചോർന്നു. എച്ച്ഡി പതിപ്പാണ് പ്രചരിക്കുന്നത്. തമിഴ് റോക്കേഴ്സ് അടക്കമുള്ള പൈറസി സൈറ്റുകളിലാണ് വ്യാജ പതിപ്പ് പ്രത്യക്ഷപ്പെട്ടത്. റിലീസ് ചെയ്തതിന് പിന്നാലെയാണ് വ്യാജൻ സൈറ്റുകളിൽ എത്തി തുടങ്ങിയെന്നാണ് റിപ്പോർട്ടുകൾ.
മാസ്റ്റർ റിലീസ് ചെയ്യുന്നതിന് തൊട്ടുമുൻപുള്ള ദിവസം സിനിമയിലെ ഏതാനും രംഗങ്ങൾ സമൂഹ മാധ്യമങ്ങളിലൂടെ ചോര്‍ന്നിരുന്നു. സംഭവത്തില്‍ ഒരാള്‍ അറസ്റ്റിലാവുകയും ചെയ്തു. ഏകദേശം ഒരു മണിക്കൂറോളം ദൈര്‍ഘ്യമുള്ള ദൃശ്യങ്ങളാണ് പുറത്തായത്. ചിത്രത്തിന്റെ സംവിധായകൻ ലോകേഷ് കനകരാജ് തന്നെയാണ് ചോർന്ന വിവരം ആരാധകരെ അറിയിച്ചത്.
വിജയ്ക്കൊപ്പം വിജയ് സേതുപതിയും ഒന്നിക്കുന്ന ചിത്രം മികച്ച അഭിപ്രായം നേടി മുന്നേറുകയാണ്. കോവിഡ് പ്രതിസന്ധിക്കിടയിലും നിരവധി പേരാണ് ചിത്രം കാണാനായി തിയറ്ററിൽ എത്തുന്നത്. എന്നാൽ പൈറസി ഭീഷണി നിലനിൽക്കുന്നത് സിനിമയ്ക്ക് തിരിച്ചടിയാകുന്നുണ്ട്. സിനിമകള്‍ പ്രചരിപ്പിക്കുന്ന സൈറ്റുകളെ കണ്ടെത്തി നിര്‍ജീവിമാക്കുന്നുണ്ടെങ്കിലും പുതിയവ അതേ പോലെ പ്രത്യക്ഷപ്പെടുകയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
