'വെയിലേറ്റ് ശരീരമാകെ പൊള്ളി, അഞ്ച് ഡോക്ടർമാരെയാണ് കണ്ടത്'; 'തങ്കലാൻ' അനുഭവം പറഞ്ഞ് മാളവിക മോഹനൻ

പാ രഞ്ജിത് - ചിയാൻ വിക്രം കൂട്ടുകെട്ടിലെത്തുന്ന തങ്കലാൻ ആണ് മാളവിക മോഹനന്റേതായി റിലീസിനൊരുങ്ങുന്ന ചിത്രം. ചിത്രത്തിന്റെ പ്രൊമോഷന്റെ ഭാ​ഗമായി മാളവിക വെളിപ്പെടുത്തിയിരിക്കുന്ന കാര്യങ്ങളാണിപ്പോൾ സോഷ്യൽ മീഡിയയിൽ വൈറലാകുന്നത്. തങ്കലാന്റെ ചിത്രീകരണത്തിനു ശേഷം തനിക്ക് അഞ്ച് ഡോക്ടർമാരെയാണ് കാണേണ്ടിവന്നതെന്ന് പറയുകയാണ് മാളവിക.

'ഒരു ത്വക് രോ​ഗ വിദ​​ഗ്ധനും ഒരു നേത്രരോ​ഗ വിദ​ഗ്ധനും ഉൾപ്പെടെ കുറഞ്ഞത് അഞ്ച് ഡോക്ടർമാരെ ഞാൻ കണ്ടു. 10 മണിക്കൂർ മേക്കപ്പിട്ടിരുന്നപ്പോൾ എന്റെ ദേഹത്ത് കലകൾ വന്നിരുന്നു. ഷൂട്ടിങ്ങിനിടെ ഒരുപാടുനേരം വെയിലത്ത് നിൽക്കേണ്ടി വന്നിരുന്നു. പക്ഷേ ആ സമയത്ത് അതിനെക്കുറിച്ചൊന്നും ചിന്തിക്കാൻ സമയമില്ലായിരുന്നു. എന്നാൽ പിന്നീട് ശരീരത്ത് അവിടേയും ഇവിടേയുമൊക്കെ പൊള്ളലേറ്റ പാടുകൾ കണ്ടു'- മാളവിക പറഞ്ഞു.

മാളവികയെ കൂടാതെ പാർവതി തിരുവോത്തും ചിത്രത്തിൽ പ്രധാന വേഷത്തിലെത്തുന്നുണ്ട്. ഓ​ഗസ്റ്റ് 15 നാണ് ചിത്രം തിയറ്ററുകളിലെത്തുക. ചിത്രത്തിലെ മാളവികയുടെ ലുക്കും ശ്രദ്ധിക്കപ്പെട്ടിരുന്നു. ഇതുവരെ കാണാത്ത ലുക്കിലാണ് മാളവിക തങ്കലാനിലെത്തുക. ആരതിയെന്ന കഥാപാത്രത്തെയാണ് താരം അവതരിപ്പിക്കുന്നത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

സ്റ്റുഡിയോ ഗ്രീനിന്റെ ബാനറിൽ കെ.ഇ ജ്ഞാനവേൽ രാജയാണ് തങ്കലാൻ നിർമിക്കുന്നത്. സ്വര്‍ണ ഖനനത്തിനായി തങ്ങളുടെ ഭൂമി ചൂഷണം ചെയ്യാന്‍ ലക്ഷ്യമിടുന്ന ബ്രിട്ടീഷ് സേനക്കെതിരെയുള്ള ഒരു ആദിവാസി നേതാവിന്റെ ചെറുത്തുനില്‍പ്പാണ് ചിത്രത്തിന്റെ പ്രമേയം.