ആദ്യ 'ജെയിംസ് ബോണ്ട്' നായകന്‍ സര്‍. ഷോണ്‍ കോണറി അന്തരിച്ചു

ലണ്ടന്‍: ഇതിഹാസ ബ്രിട്ടീഷ് നടനും ജെയിംസ് ബോണ്ട് സിനിമകളിലൂടെ പ്രശസ്തനുമായ സര്‍. ഷോണ്‍ കോണറി (90) അന്തരിച്ചു. അദ്ദേഹത്തിന്റെ കുടുംബാംഗങ്ങളാണ് മരണ വിവരം പുറത്തുവിട്ടത്. 

ആദ്യ ജെയിംസ് ബോണ്ട് നായകനെന്ന വിശേഷമുള്ള നടനാണ് ഷോണ്‍ കോണറി. നാല് പതിറ്റാണ്ട് കാലം ഹോളിവുഡില്‍ നിറഞ്ഞു നിന്ന താര വ്യക്തിത്വമാണ് വിട വാങ്ങുന്നത്. 

1962 മുതല്‍ 1983 വരെയുള്ള ഏഴ് ജെയിംസ് ബോണ്ട് സിനിമകളില്‍ കോണറി നായകനായിരുന്നു. 1988ല്‍ മികച്ച സഹ നടനുള്ള ഓസ്‌കാര്‍ പുരസ്‌കാരവും ബാഫ്ത, ഗോള്‍ഡന്‍ ഗ്ലോബ് പുരസ്‌കാരങ്ങളും അദ്ദേഹം നേടിയിട്ടുണ്ട്.