'നെ​ഗറ്റീവായി കേട്ടിട്ടുണ്ടാകും പക്ഷേ ഞാൻ പാവമാണ്', തമാശ നിറഞ്ഞ് ലൊക്കേഷൻ; സാറാസ് മേക്കിങ് വിഡിയോ

ജൂഡ് ആന്റണി ജോസഫ് സംവിധാനം ചെയ്ത സാറാസ് മികച്ച അഭിപ്രായം നേടി മുന്നേറുകയാണ്. അന്ന ബെന്നും സണ്ണി വെയിനും പ്രധാന കഥാപാത്രമായെത്തിയ ചിത്രം ആമസോൺ പ്രൈമിലൂടെയാണ് റിലീസ് ചെയ്തത്. രസകരമായ നിരവധി രം​ഗങ്ങൾകൊണ്ട് സമ്പന്നമാണ് ചിത്രം. എന്നാൽ സിനിമ മാത്രമല്ല ലൊക്കേഷനും കോമഡി നിറഞ്ഞതായിരുന്നു. ചിത്രത്തിന്റെ രസകരമായ മേക്കിങ് വിഡിയോ ആണ് ഇപ്പോൾ പുറത്തുവന്നിരിക്കുന്നത്. 

അണിയറ പ്രവർത്തകരെ പരിചയപ്പെടുന്ന ജൂഡിൽ നിന്നാണ് വിഡിയോ തുടങ്ങുന്നത്. തന്നേക്കുറിച്ച് നെ​ഗറ്റീവ് ഇമേജ് കേട്ടിട്ടുണ്ടാകുമെന്നും പക്ഷേ താൻ പാവമാണെന്നുമാണ് ജൂഡ് പറയുന്നത്. ലൊക്കേഷനിൽ നിറഞ്ഞു നിൽക്കുന്നതും ജൂഡ് തന്നെയാണ്. ലൊക്കേഷനിലെ നിരവധി രസകരമായ നിമിഷങ്ങളും വിഡിയോയിൽ ഉൾപ്പെടുത്തിയിട്ടുണ്ട്. 

പൂർണ്ണമായും കൊവിഡ് പ്രോട്ടോക്കോളുകൾ പാലിച്ചായിരുന്നു ഷൂട്ടിം​ഗ്. ഷോപ്പിംഗ് മാള്‍, ആശുപത്രി, ചന്ത, തീയേറ്റര്‍, മെട്രോ തുടങ്ങിയ തിരക്കേറിയ സ്ഥലങ്ങളിലായിരുന്നു ചിത്രീകരണം നടന്നത്. മല്ലിക സുകുമാരൻ, ബെന്നി പി നായരമ്പലം, സിദ്ധിഖ്, പ്രശാന്ത് നായര്‍ ഐ എ എസ് തുടങ്ങിയ വലിയ താരനിര തന്നെ ചിത്രത്തിലുണ്ട്.