വടിവേലുവും എആർ റഹ്‌മാനും ചേർന്നു പാടി, ഓഡിയോ ലോഞ്ചിനിടെ പൊട്ടിക്കരഞ്ഞ് കമൽഹാസൻ; വിഡിയോ

മാരി സെൽവരാജൻ സംവിധാനം ചെയ്യുന്ന 'മാമന്നൻ' ചിത്രത്തിന്റെ ചെന്നൈയിൽ വെച്ച് നടന്ന ഓഡിയോ ലോഞ്ചിനിടെ പൊട്ടിക്കരഞ്ഞ് 
നടൻ കമൽഹാസൻ. ചിത്രത്തിലെ പുറത്തിറങ്ങിയ ആദ്യ ​ഗാനമായ 'രാസാക്കണ്ണ്' എന്ന ​ഗാനം വടിവേലുവും എആർ റഹ്‌മാനും ചേർന്ന് ആലപിക്കുന്നതിനിടെയായിരുന്നു അദ്ദേഹം വികാരഭരിതനായത്. എആർ റഹ്‌മാന്റെ സം​ഗീത സംവിധാനത്തിൽ നാടൻ പാട്ട് ശൈലിയിലാണ് ​ഗാനം ഒരുക്കിയിരിക്കുന്നത്. 

മാമന്നൻ ചിത്രത്തിന്റെ ഓഡിയോ ലോഞ്ച് ചടങ്ങിലെ പ്രത്യേക അതിഥിയായിരുന്നു അദ്ദേഹം. വിഡിയോ എആർ റഹ്‌മാൻ ഫാൻസ് പേജുകളിലൂടെ ഇപ്പോൾ സോഷ്യൽ മിഡിയയിൽ വൈറലാവുകയാണ്. ഉദയനിധി സ്റ്റാലിൻ നായകനാകുന്ന ചിത്രത്തിൽ മലയാളത്തിലെ ഫഹദ് ഫാസിലും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. കീർത്തി സുരേഷാണ് നായിക. ചിത്രം ഈ മാസം അവസനത്തോടെ തിയറ്ററുകളിലെത്തും. 

നേരത്തെ സംവിധായകൻ മാരി സെൽവരാജിനൊപ്പം മാമന്നൻ കമൽഹാസൻ കണ്ടിരുന്നു. കോടിക്കണക്കിന് ജനങ്ങളുടെ ശബ്‍ദം ഈ ചിത്രത്തിലൂടെ പുറം ലോകം അറിയുമെന്നും കമൽഹാസൻ പറഞ്ഞു. റെഡ് ജിയാന്റ് മൂവീസിന്റെ ബാനറിൽ ഉദയനിധി സ്റ്റാലിൻ തന്നെയാണ് ചിത്രം നിർമിക്കുന്നത്. ശരണ്‍ വേലായുധനാണ് ചിത്രത്തിന്റെ ഛായാ​ഗ്രഹണം നിർവഹിക്കുന്നത്. 

ഈ വാര്‍ത്ത കൂടി വായിക്കൂ 

വരികൾ മാറ്റി, സ്വന്തം പോരാട്ടമാക്കി; നാട്ടു നാട്ടുവിന് ചുവടുവെച്ച് യുക്രൈൻ സൈനികർ; വൈറലായി വിഡിയോ​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ