ശ്രീനഗർ: ഷാരൂഖ് ഖാൻ ചിത്രം പത്താനെ ഏറ്റെടുത്ത് കശ്മീരും. നീണ്ട 32 വർഷങ്ങൾക്ക് ശേഷമാണ് കശ്മീരിൽ ഒരു സിനിമ ഹൗസ്ഫുൾ ആയി പ്രദർശനം നടത്തുന്നതെന്ന് ശ്രീനഗർ തിയേറ്റർ ഐഎൻഒഎക്‌സ് ട്വീറ്റ് ചെയ്തു. കിങ് ഖാനോടുള്ള നന്ദി അറിയിക്കുന്നതായും ട്വീറ്റിൽ പറയുന്നു. ജനുവരി 25നാണ് ചിത്രം കശ്മീരിൽ പ്രദർശനത്തിന് എത്തിയത്.
കഴിഞ്ഞ നാല് ദിവസമായി ആറ് ഷോകൾ വെച്ചാണ് ചിത്രം പ്രദർശിപ്പിക്കുന്നത്. ഇതിൽ അഞ്ചെണ്ണവും ഹൗസ്‌ഫുള്ളാണ്. ബുക്ക് മൈ ഷോയിൽ വളരെ പെട്ടന്നാണ് ടിക്കറ്റുകൾ വിറ്റു പോയതെന്ന് തിയേറ്റർ ഉടമ പറഞ്ഞു.
1980കളുടെ അവസാനം വരെ കശ്മീരിൽ പന്ത്രണ്ടോളം സ്വതന്ത്ര സിനിമ തിയേറ്ററുകൾ ഉണ്ടായിരുന്നെങ്കിലും ഭീകരവാദികളുടെ ഭീഷണിയെ തുടർന്ന് എല്ലാം അടച്ചു പൂട്ടി. സെപ്റ്റംബർ 2022ൽ അമീർ ഖാൻ ചിത്രം ലാൽ സിങ് ചന്ദ കശ്മീരിൽ പ്രദർശനത്തിന് എത്തിയിരുന്നു. പക്ഷേ ഹൗസ് ഫുൾ എന്നൊ ബോർഡ് വെക്കുന്നത് 32 വർഷങ്ങൾക്ക് ശേഷമാണെന്നും അദ്ദേഹം പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
