'എല്ലാ ആവശ്യങ്ങളിലും നിങ്ങൾ എന്നും കേരളത്തിനൊപ്പം നിന്നു'; കമൽഹാസന് പിറന്നാൾ ആശംസിച്ച് പിണറായി വിജയൻ 

തെന്നിന്ത്യൻ സൂപ്പർതാരം കമൽഹാസന് ജന്മദിന ആശംസകളുമായി കേരള മുഖ്യമന്ത്രി പിണറായി വിജയൻ. കേരളത്തിന്റെ എല്ലാ ആവശ്യങ്ങളിലും കമൽഹാസൻ എന്നും കേരളത്തിനൊപ്പം നിന്നിട്ടുണ്ടെന്നും ജീവിതത്തിലും കരിയറിലും എല്ലാ സന്തോഷവും വിജയവും ആശംസിക്കുന്നുവെന്നും പിണറായി വിജയൻ ഇൻസ്റ്റ​ഗ്രാമിൽ കുറിച്ചു. 

സന്തോഷകരമായ ജന്മദിന ആശംസകൾ പ്രിയപ്പെട്ട കമൽഹാസൻ. ഞങ്ങളുടെ എല്ലാ ആവശ്യങ്ങളിലും നിങ്ങൾ എന്നും കേരളത്തിനൊപ്പം നിന്നു. ഞങ്ങളുടെ സിനിമയ്‍ക്കും സംസ്‍കാരത്തിനും താങ്കൾ നൽകിയ വിലമതിക്കാനാകാത്ത സംഭാവനകളിൽ ഞങ്ങൾ അഭിമാനിക്കുന്നു. ജീവിതത്തിലും കരിയറിലും എല്ലാ സന്തോഷവും വിജയവും ആശംസിക്കുന്നു, കമൽഹാസന്റെ ചിത്രത്തിനൊപ്പം പിണറായി വിജയൻ കുറിച്ചു.