കൊച്ചി: ആന്റണി പെരുമ്പാവൂര്‍ ഇപ്പോഴും ഫെഡറേഷന്‍ അംഗമാണെന്ന് ഫിലിം എക്‌സിബിറ്റേഴ്‌സ് ഫെഡറേഷന്‍ ഭാരവാഹികള്‍. ഫിയോക്കില്‍ നിന്ന ആന്റണി നേരത്തെ രാജവച്ചിരുന്നതായാണ് അറിയാന്‍ കഴിഞ്ഞത്. എക്‌സിബിറ്റേഴ്‌സ് ഫെഡറേഷന്‍ അദ്ദേഹത്തെ പുറത്താക്കിയിരുന്നില്ലെന്നും ആന്റണിയുമായി സംസാരിച്ചപ്പോള്‍ സഹകരിക്കാമെന്നാണ് പറഞ്ഞതെന്നും കൊച്ചിയില്‍ ഫെഡറേഷന്‍ ഭാരവാഹികള്‍ വാര്‍ത്താ സമ്മേളനത്തില്‍ പറഞ്ഞു.
ദിലീപിനെ മാറ്റിനിര്‍ത്തിയിട്ടില്ല. അംഗത്വമേറ്റെടുക്കാന്‍ തയ്യാറായാല്‍ ഉള്‍പ്പെടുത്തും. ഫിയോക് വിലക്കിയ ദുല്‍ഖര്‍ സല്‍മാന്റെ കമ്പനിയുമായി സഹകരിക്കുമെന്ന് ലിബര്‍ട്ടി ബഷീര്‍ പറഞ്ഞു.
ഫിയോക്കില്‍ ഇപ്പോള്‍ സംഭവിക്കുന്നത് കാലത്തിന്റെ കാവ്യനീതിയാണ്. ഫെഡറേഷന്‍ പിളര്‍ത്തിയ ഫിയോക്കിന് കാലം നല്‍കിയ മറുപടിയാണ് ഇതെന്ന് ബഷീര്‍ പറഞ്ഞു. സംഘടനയില്‍ നിന്ന് തിരിച്ചുപോയവര്‍ പലരും മടങ്ങിവരുന്നതായും അദ്ദേഹം വാര്‍ത്താ സമ്മേളനത്തില്‍ കൂട്ടിച്ചേര്‍ത്തു
നടന്‍ ദിലീപിനെയും നിര്‍മാതാവ് ആന്റണി പെരുമ്പാവൂരിനെയും പുറത്താക്കാന്‍ തിയറ്ററുടമകളുടെ സംഘടനയായ ഫിയോക്ക് തീരുമാനിച്ചതായാണ് റിപ്പോര്‍ട്ടുകള്‍. 31ന് ജനറല്‍ ബോഡി യോഗം ഇക്കാര്യത്തില്‍ തീരുമാനമെടുക്കും.മോഹന്‍ലാല്‍ ചിത്രമായ മരക്കാറിന്റെ റിലീസിങുമായി ബന്ധപ്പെട്ട് ആന്റണി പെരുമ്പാവൂരും ഫിയോക്കുമായുണ്ടായ അഭിപ്രായഭിന്നതയാണ് ആന്റണിയെ പുറത്താക്കാനുള്ള തീരുമാനത്തിന് കാരണമെന്നാണ് സൂചന. 2017ല്‍ ഫിലിം എക്‌സിബിറ്റേഴ്‌സ് ഫെഡറേഷന്‍ പിളര്‍ന്നാണ് തിയറ്ററുടമകളുടെ ഇന്നത്തെ സംഘടനയായ ഫിയോക്് ദിലീപിന്റെ കാര്‍മികത്വത്തില്‍ രൂപം കൊണ്ടത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
