ബംഗളുരു: കന്നഡയിലെ സൂപ്പര്ഹിറ്റ് ചിത്രങ്ങളുടെ സഹസംവിധായകന് കീര്ത്തന് നാദഗൗഡയുടെ നാലു വയസ്സുള്ള മകന് സോണാര്ഷ് കെ നാദഗൗഡ ലിഫ്റ്റില് കുടുങ്ങി മരിച്ചു. തനിച്ച് ലിഫ്റ്റില് കയറിയ കുട്ടി അതിനകത്ത് കുടുങ്ങിപ്പോകുകയായിരുന്നു. പുറത്തെത്തിക്കാന് ശ്രമം നടത്തിയെങ്കിലും കുട്ടിയെ രക്ഷിക്കാനായില്ല. കുട്ടിയുടെ മരണം സംബന്ധിച്ച് കുടുംബം ഔദ്യോഗികമായി പ്രതികരിച്ചിട്ടില്ല. തിങ്കളാഴ്ചയായിരുന്നു അപകടം ഉണ്ടായത്.
കുട്ടി ലിഫ്റ്റില് കുടുങ്ങി മരിക്കുകയായിരുന്നെന്ന് നടനും ആന്ധ്രാപ്രദേശ് ഉപമുഖ്യമന്ത്രിയുമായ പവന് കല്യാണ് അറിയിക്കുകയായിരുന്നു. കീര്ത്തന്റെ കുടുംബത്തെ തന്റെ അനുശോചനം അറിയിക്കുകയും ചെയ്തു. കീര്ത്തന് നാദഗൗഡയുടെ കുടുംബത്തിന് സംഭവിച്ച ഈ ദുരന്തം അദ്ദേഹത്തെ അതീവ ദുഃഖത്തിലാഴ്ത്തിയെന്ന് പവന് കല്യാണ് കുറിച്ചു. കെജിഎഫ്, സലാര് തുടങ്ങിയ സിനിമകളില് സഹസംവിധായകനായി പ്രവര്ത്തിച്ച വ്യക്തിയാണ് കീര്ത്തന്.
കീര്ത്തന് നാദഗൗഡയുടെ മകന്റെ വിയോഗം ഹൃദയഭേദകമാണെന്ന് പവന് കല്യാണ് എക്സില് കുറിച്ചു. നാലര വയസുള്ള കുട്ടി ലിഫ്റ്റില് കുടുങ്ങി മരിച്ചു എന്ന വാര്ത്ത ഏറെ ദുഃഖമുണ്ടാക്കുന്നതാണ്. ഈ വേദനയെ മറികടക്കാനുള്ള കരുത്ത് കുടുംബത്തിന് ലഭിക്കട്ടെയെന്നും പവന് കല്യാണ് പറഞ്ഞു
കെജിഎഫ്, സലാര് എന്നിവയുടെ സെക്കന്ഡ് യൂണിറ്റ് ഡയറക്ടര്, സഹസംവിധായകന് എന്നീ നിലകളില് പ്രവര്ത്തിച്ചതിലൂടെയാണ് കീര്ത്തന് നാദഗൗഡ ശ്രദ്ധേയനായത്. മൈത്രി മൂവി മേക്കേഴ്സും പ്രശാന്ത് നീലും ചേര്ന്ന് നിര്മിക്കുന്ന ഒരു ഹൊറര് സിനിമയിലൂടെ തെലുങ്കില് സംവിധായകനായി അരങ്ങേറ്റം കുറിക്കാന് തയ്യാറെടുക്കുകയായിരുന്നു കീര്ത്തന്. അതിനിടെയാണ് മകന്റെ മരണം സംഭവിച്ചിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
