കെജിഎഫിന്റെ മൂന്നാം ഭാ​ഗം വരുന്നു... റോക്കിയുടെ പിറന്നാൾ ദിനത്തിൽ പുതിയ അപ്ഡേഷൻ

കന്നഡ സിനിമയുടെ ജാതകം തിരിത്തിക്കുറിച്ച കെജിഎഫ് പരമ്പരയുടെ മൂന്നാം ഭാ​ഗം ഉടൻ വരുമെന്ന് സൂചന നൽകി അണിയറപ്രവർത്തകർ. കെഎഫ്ജി നായകൻ റോക്കിംഗ് സ്റ്റാർ യഷിൻ്റെ 37-ാം പിറന്നാൾ ദിനത്തിലാണ് ചിത്രം സംബന്ധിച്ച പുതിയ അപ്ഡേറ്റ് പുറത്ത് വന്നിരിക്കുന്നത്.

2025 ഓടെ ചിത്രത്തിന്റെ മൂന്നാം ഭാ​ഗം ഉണ്ടാകുമെന്നാണ് റിപ്പോർട്ട്. കെജിഎഫ് സംവിധായകൻ പ്രശാന്ത് നീൽ നിലവിൽ പ്രഭാസ് നായകനാകുന്ന ബി​ഗ് ബജറ്റ് ചിത്രം സലാറിന്റെ തിരക്കിലാണ്. സെപ്റ്റംബറോടെ ചിത്രത്തിന്റെ ഷൂട്ടിങ് അവസാനിക്കും ഇതിന് ശേഷമായിരിക്കും കെജിഎഫ് മൂന്നാം ഭാ​ഗം ആരംഭിക്കുക. 

കെജിഎഫ് നാല്, അഞ്ച് ഭാ​ഗങ്ങൾക്ക് ശേഷം നായകൻ യഷിനെ മാറ്റി മറ്റൊരു നടനെ കേന്ദ്ര കഥാപാത്രമാക്കാനും ആലോചിക്കുന്നണ്ടെന്നാണ് റിപ്പോർട്ടുകൾ. ഹോളിവുഡ് ചിത്രം ജെയിംസ് ബോണ്ട് സീരിസിന് സമാനമായി നടന്മാർ മാറിയാലും സിനിമ സാധ്യമാകുമെന്ന കണക്കൂട്ടിലിലാണ് അണിയറപ്രവർത്തകർ.

2018 ലാണ് കെജിഎഫ് ഒന്നാം ഭാ​ഗം പ്രേക്ഷകർക്ക് മുന്നിലെത്തുന്നത്. പിന്നീട് 2022ൽ രണ്ടാം ഭാ​ഗവും. 1000 കോടി ക്ലബിൽ എത്തിയ ചിത്രമാണ് കെജിഎഫ്.

ഈ വാര്‍ത്ത കൂടി വായിക്കൂ 

മണാലി കണ്ടുവരാം... ആരാധകരെ സൗജന്യയാത്രയ്ക്ക് ക്ഷണിച്ച് വിജയ് ദേവരകൊണ്ട

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ