'ജാതകമൊന്നുമല്ല, കെട്ടാൻ പോകുന്ന ആളുടെ മനസാണ് നോക്കേണ്ടത്'; കുഞ്ചാക്കോ ബോബന്റെ 'പദ്മിനി'; ടീസർ

കുഞ്ചാക്കോ ബോബനെ നായകനാക്കി സെന്ന ഹെ​ഗ്ഡെ സംവിധാനം ചെയ്യുന്ന പദ്മിനിയിലെ ടീസർ പുറത്ത്. അപർണ ബാലമുരളി, മഡോണ സെബാസ്റ്റ്യൻ, വിൻസി അലോഷ്യസ് എന്നിവരാണ് ചിത്രത്തിൽ നായികമാരായി എത്തുന്നത്. കുഞ്ചാക്കോ ബോബൻ അവതരിപ്പിക്കുന്ന കഥാപാത്രത്തിന്റെ വിവാ​ഹം പശ്ചാത്തലമാക്കിയാണ് ചിത്രം എത്തുന്നത്. 

തിങ്കളാഴ്ച നിശ്ചയം, 1744 വൈറ്റ് ഓൾട്ടോ എന്നീ സിനിമകൾക്ക് ശേഷം സെന്ന ഹേഗ്ഡെ സംവിധാനം ചെയ്യുന്ന ചിത്രമാണ് പദ്മിനി. ലിറ്റിൽ ബിഗ് ഫിലിംസിന്റെ ബാനറിൽ  സുവിൻ വർക്കി, പ്രശോഭ് കൃഷ്ണ എന്നിവരാണ് ചിത്രം  നിർമിക്കുന്നത്. കുഞ്ഞിരാമായണത്തിന്റെ തിരക്കഥാകൃത്ത് ദീപു പ്രദീപാണ് പദ്മിനിയുടെയും രചന നിർവഹിക്കുന്നത്. 

നർമത്തിന് പ്രാധാന്യം നൽകിക്കൊണ്ടുള്ളതായിരിക്കും ചിത്രം എന്നാണ ടീസർ നൽകുന്ന സൂചന. മാളവിക മേനോൻ, ആതിഫ് സലിം, സജിൻ ചെറുകയിൽ, ഗണപതി, ആനന്ദ് മന്മഥൻ, സീമ ജി നായർ, ഗോകുലൻ, ജെയിംസ് ഏലിയ എന്നിവരാണ് മറ്റ് അഭിനേതാക്കൾ. 

ഈ വാർത്ത കൂടി വായിക്കൂ

ജോഷിയുടെ 'ആന്റണി'യാവാൻ ജോജുവിന്റെ വമ്പൻ മേക്കോവർ; അമ്പരന്ന് ആരാധകർ​

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി  ക്ലിക്ക് ചെയ്യൂ