ന്യൂഡല്‍ഹി: ഇന്ത്യയുടെ വാനമ്പാടിയും ഇതിഹാസ ഗായികയുമായ ലതാ മങ്കേഷ്‌കറിന് ഇന്ന് 92ാം പിറന്നാള്‍. ആഘോഷങ്ങള്‍ ഒന്നും ഇല്ലാതെയാണ് പിറന്നാള്‍ ദിനം. എങ്കിലും സമൂഹത്തിന്റെ നാനാ തുറകളിലുള്ളവര്‍ അവര്‍ക്ക് ആശംസകള്‍ നേര്‍ന്നു.
പ്രധാനമന്ത്രി നരേന്ദ്ര മോദി, ബോളിവുഡ് താരം ജൂഹി ചൗള, മധുര്‍ ഭണ്ഡാര്‍കര്‍, സരോദ് മാന്ത്രികന്‍ അംജദ് അലി ഖാന്‍, തുടങ്ങി നിരവധി പ്രമുഖര്‍ അവര്‍ക്ക് ആശംസകള്‍ അറിയിച്ചു.
'ബഹുമാനപ്പെട്ട ലതാ ദീദിക്ക് ജന്മദിനാശംസകള്‍. അവരുടെ മാധുര്യമുള്ള ശബ്ദം ലോകമെമ്പാടും മുഴങ്ങുന്നു. ഇന്ത്യന്‍ സംസ്‌കാരത്തോടുള്ള അവരുടെ വിനയത്തേയും അഭിനിവേശത്തേയും ബഹുമാനിക്കുന്നു. വ്യക്തിപരമായി എനിക്ക് അവരുടെ അനുഗ്രഹങ്ങള്‍ വലിയ ശക്തിയുടെ ഉറവിടമാണ്. ലതാ ദീദിയുടെ ദീര്‍ഘവും ആരോഗ്യകരവുമായ ജീവിതത്തിനായി ഞാന്‍ പ്രാര്‍ത്ഥിക്കുന്നു'- പ്രധാനമന്ത്രി ആശംസകള്‍ നേര്‍ന്ന് ട്വിറ്ററില്‍ കുറിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
