തെലുങ്ക് ലൂസിഫറിന് പേര് ഗോഡ് ഫാദര്‍; മോഷന്‍ പോസ്റ്റര്‍ പുറത്തുവിട്ടു

പൃഥ്വിരാജിന്റെ സംവിധാനത്തില്‍ പുറത്തിറങ്ങിയ  മലയാളത്തിലെ ഹിറ്റ് ചിത്രം ലൂസിഫറിന്റെ തെലുങ്ക് റീമേക്കിന്‍റെ പേര് പ്രഖ്യാപിച്ചു. തെലുങ്കിലെത്തുമ്പോൾ 'ഗോഡ് ഫാദര്‍' എന്നാണ് ലൂസിഫറിന്‍റെ പേര്. കഴിഞ്ഞ മാസം പന്ത്രാണ്ടാം തിയതി സിനിമയുടെ ചിത്രീകരണം തുടങ്ങിയിരുന്നു. മലയാളത്തിൽ മോഹൻലാൽ അവതരിപ്പിച്ച കഥാപാത്രമായി തെലുങ്കില്‍ എത്തുക ചിരഞ്‍ജീവിയാണ്. 

റീമേക്കിന്റെ മോഷന്‍ പോസ്റ്ററും പുറത്തുവിട്ടിട്ടുണ്ട്. മോഹൻരാജയാണ് ചിത്രം സംവിധാനം ചെയ്യുന്നത്. ചിരഞ്‍ജീവിയുടെ മകന്‍ രാം ചരണ്‍ ആണ് ചിത്രം നിര്‍മ്മിക്കുന്നത്. സിനിമയില്‍ നയൻതാരയാണ് നായിക.