വെൽകം ബാക്ക് ഭാവന; ആശംസകളുമായി മാധവനും ജാക്കി ഷറോഫും ചാക്കോച്ചനും; നന്ദി അറിയിച്ച് താരം

ആറു വർഷത്തെ ഇടവേളയ്ക്കുശേഷം മലയാള സിനിമയിലേക്ക് തിരിച്ചെത്തുകയാണ് നടി ഭാവന. താരം നായികയായി എത്തുന്ന ന്റിക്കാക്കാക്കൊരു പ്രേമണ്ടാർന്നു എന്ന ചിത്രം നാളെ റിലീസിന് എത്തുകയാണ്. അതിനിടെ ഭാവനയുടെ തിരിച്ചുവരൽ ആഘോഷമാക്കുകയാണ് സൂപ്പർതാരങ്ങൾ. ഭാവനയ്ക്ക് ആശംസകളുമായി നിരവധി താരങ്ങളാണ് എത്തുന്നത്. 

ഇപ്പോൾ ശ്രദ്ധനേടുന്നത് ന്റിക്കാക്കാക്കൊരു പ്രേമണ്ടാർന്നു സിനിമയുടെ അണിയറപ്രവർത്തർ പുറത്തുവിട്ട വിഡിയോ ആണ്. ഭാവനയ്ക്ക് ആശംസകളുമായി എത്തുന്ന സിനിമാതാരങ്ങളെയാണ് വിഡിയോയിൽ കാണുന്നത്. മാധവൻ, ജാക്കി ഷറോഫ്, കുഞ്ചാക്കോ ബോബൻ, മഞ്ജു വാര്യർ, ടോവിനോ തോമസ്, പാർവതി, പ്രിയാ മണി, ജിതേഷ് പിള്ള തുടങ്ങിയവരാണ് ഭാവനയ്ക്ക് ആശംസകൾ അറിയിച്ചുകൊണ്ട് വിഡിയോയുമായി എത്തിയത്. തന്നെ പിന്തുണയ്ക്കുന്നവർക്ക് നന്ദി പറഞ്ഞുകൊണ്ട് ഭാവന വിഡിയോ പങ്കുവച്ചിട്ടുണ്ട്. 

ഒരുപാട് വികാരങ്ങളാണ് ഇപ്പോൾ മനസിലൂടെ പോകുന്നത് എന്നാണ് ഭാവന കുറിക്കുന്നത്. അനിയന്ത്രിതമായ പരിഭ്രാന്തി, ഹൃദയമിടിപ്പ് എന്നാൽ ഏറ്റവും പ്രധാനമായി, ഈ യാത്രയിൽ എന്നെ പിന്തുണച്ച എല്ലാവർക്കും, ഞാൻ മലയാള സിനിമയിൽ പ്രവർത്തിക്കണമെന്ന് നിർബന്ധിച്ച എല്ലാവർക്കും നന്ദി! നാളെ മുതൽ മറ്റൊരു ഇന്നിംഗ്സ് ആരംഭിക്കുകയാണ്. - ഭാവന അടിക്കുറിപ്പായി കുറിച്ചു. 

റിമ കല്ലിങ്കൽ, അനുമോൾ, അഹാന കൃഷ്ണ, അതിഥി രവി,ദിവ്യ ത​ഗോപിനാഥ്, സംയുക്ത വർമ, ​ഗൗതമി നായർ, സിജു വിൽസൺ, തുടങ്ങിയവരും ആശംസകൾ കുറിച്ചു. ഷറഫുദ്ദീൻ, ഭാവന എന്നിവർ മുഖ്യ വേഷം ചെയുന്ന ചിത്രം സംവിധാനം ചെയ്തിരിക്കുന്നത് ആദിൽ മൈമൂനത് അഷ്‌റഫ്‌ ആണ്.

ഈ വാര്‍ത്ത കൂടി വായിക്കൂ

ദൈവത്തിന് പല പദ്ധതികളുണ്ട്; തൈക്കാട്ട് ശിവ ക്ഷേത്രത്തില്‍ വിശിഷ്ടാതിഥിയായി ഷക്കീല; കാണാനെത്തിയത് ആയിരങ്ങൾ​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ