ബത്ലഹേം തെരുവിലൂടെ ചുറ്റിയടിച്ച് മഞ്ജു വാര്യർ; വിഡിയോ വൈറൽ

മലയാളത്തിന്റെ പ്രിയതാരമാണ് മഞ്ജു വാര്യർ. താരത്തിന്റെ ഏറെ ഇഷ്ടപ്പെട്ട കഥാപാത്രങ്ങളിൽ ഒന്നാണ് സമ്മർ ഇൻ ബത്ലഹേമിലെ ആമിയുടേത്. അവധി ആഘോഷിക്കാൻ ഡെന്നീസിന്റെ ബത്ലഹേമിൽ എത്തുന്ന മഞ്ജുവിനെയാണ് ചിത്രത്തിൽ കാണുന്നത്. ഇപ്പോൾ സോഷ്യൽ മീഡിയയിൽ ഹിറ്റാകുന്നത് യഥാർത്ഥ ബത്ലഹേമിൽ എത്തിയ മഞ്ജുവിന്റെ വിഡിയോ ആണ്. 

ബത്ലഹേമിലെ തെരുവിലൂടെ നടക്കുന്ന മഞ്ജുവിനെയാണ് വിഡിയോയിൽ കാണുന്നത്. സന്തോഷവതിയായി ബത്ലഹേം കാഴ്ചകൾ കണ്ട് ആസ്വദിക്കുകയാണ് മഞ്ജു. ഡെനിം ജെസ്യൂട്ടും ഫുൾസ്ലീവ് ഹുഡ്ഡിയുമാണ് താരത്തിന്റെ വേഷം. നടനും അവതാരകനുമായ മിഥുൻ രമേശ് പകർത്തിയ വിഡിയോ മഞ്ജു തന്നെയാണ് സോഷ്യൽ മീഡിയയിൽ പങ്കുവച്ചത്. 

ഇസ്രയേലിയിലെ ഒരു പരിപാടിക്കായാണ് മഞ്ജു എത്തിയത്. മഞ്ജുവിനെ കൂടാതെ ടൊവിനോ തോമസ്, നീരജ് മാധവ് തുടങ്ങി നിരവധി താരങ്ങളും ഉണ്ടായിരുന്നു. തമിഴ് സൂപ്പർതാരം അജിത് കുമാറിനൊപ്പമുള്ള തുനിവാണ് മഞ്ജുവിന്റെ പുതിയ ചിത്രം. ഇതു കൂടാതെ മഞ്ജു പ്രധാന വേഷത്തിലെത്തുന്ന ആയിഷയും റിലീസിന് തയാറെടുക്കുന്നുണ്ട്. 

ഈ വാര്‍ത്ത കൂടി വായിക്കൂ 

ആര്‍ആര്‍ആര്‍ ചിത്രീകരണത്തിനിടെ രാജമൗലിക്ക് ആസ്ത്മയുണ്ടായി; വെളിപ്പെടുത്തി ശ്രിയ ശരണ്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ