മലയാളത്തിന്റെ പ്രിയതാരം മഞ്ജു വാര്യർ വീണ്ടും തമിഴിലേക്ക്. മനു ആനന്ദ് സംവിധാനം ചെയ്യുന്ന 'മിസ്റ്റര്‍ എക്സ്' എന്ന ചിത്രത്തിലാണ് താരം എത്തുക. ആക്ഷൻ ത്രില്ലറായി എത്തുന്ന ചിത്രത്തിൽ ആര്യയും ഗൗതം കാര്‍ത്തിക്കുമാണ് ചിത്രത്തിൽ പ്രധാന വേഷങ്ങളിൽ എത്തുന്നത്. മഞ്ജുവിനെ സിനിമയിലേക്ക് സ്വാഗതം ചെയ്ത് മിസ്റ്റർ എക്സ് അണിയറപ്രവർത്തകർ വിഡിയോ പുറത്തിറക്കി.
മഞ്ജു വാര്യർ അഭിനയിക്കുന്ന മൂന്നാമത്തെ തമിഴ് ചിത്രമാണിത്. ധനുഷ് നായകനായി എത്തിയ അസുരനിലൂടെയാണ് താരം തമിഴിലേക്ക് ചുവടുവെക്കുന്നത്. ചിത്രത്തിലെ കഥാപാത്രം വലിയ ശ്രദ്ധനേടിയിരുന്നു. അതിനു പിന്നാലെ അജിത് കുമാറിനൊപ്പം തുനിവിൽ എത്തി. ഇതുവരെ കാണാത്ത ആക്ഷൻ രംഗത്തിലൂടെ മഞ്ജു ആരാധകരെ അമ്പരപ്പിച്ചു.
വിഷ്‍ണു വിശാല്‍ നായകനായെത്തിയ എഫ്ഐആർ എന്ന ചിത്രത്തിനുശേഷം മനു ആനന്ദ് സംവിധാനം ചെയ്യുന്ന ചിത്രമാണ് മിസ്റ്റർ എക്സ്. സ്റ്റണ്ട് സില്‍വയാണ് സ്റ്റണ്ട് ഡയറക്ഷൻ. പ്രിൻസ് പിക്ചേഴ്‍സാണ് ചിത്രം നിര്‍മിക്കുന്നത്. രാജീവനാണ് ചിത്രത്തിന്റെ പ്രൊഡക്ഷൻ ഡിസൈനര്‍. ദിപു നൈനാൻ തോമസാണ് സംഗീതം.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
