തനിക്ക് തമിഴിൽ നിന്നും വന്ന ആദ്യ അവസരം അസുരൻ എന്ന ചിത്രമല്ലെന്ന് നടി മഞ്ജു വാര്യർ. മലയാളത്തിൽ തിരക്കിട്ട് അഭിനയിക്കുന്നതിന് ഒപ്പം തമിഴിൽ നിന്നും നിരവധി അവസരങ്ങൾ വന്നിരുന്നു. എന്നാൽ അന്ന് അതൊന്നും സ്വീകരിക്കാൻ കഴിയാത്ത സാഹചര്യമായിരുന്നു.
ഒന്നാമത് ഡേറ്റ് കിട്ടാത്തതായിരുന്ന പ്രശ്നം. പിന്നീട് മറ്റ് പല കാര്യങ്ങൾ കൊണ്ടും അവസരങ്ങൾ തള്ളേണ്ടി വന്നു. ആയിഷ എന്ന ചിത്രത്തിന്റെ പ്രമോഷന് വേണ്ടി നൽകിയ ഒരു അഭിമുഖത്തിലാണ് മഞ്ജുവിന്റെ പ്രതികരണം.
'കണ്ടുകൊണ്ടേൻ കണ്ടുകൊണ്ടേൻ' എന്ന ചിത്രത്തിന് വേണ്ടി സംവിധായകൻ രാജീവ് മേനോൻ ആദ്യം സമീപിച്ചത് തന്നെ ആയിരുന്നെന്നും പിന്നീട് ആ കഥാപാത്രം ഐശ്വര്യ റായ് ആണ് ചെയ്തതെന്നും മഞ്ജു പറഞ്ഞു. സിനിമയ്ക്ക് വേണ്ടി തന്നെ എപ്പോൾ വേണമെങ്കിലും സമീപിക്കാം. എത്തിപ്പെടാൻ പറ്റുന്നില്ലെന്ന പരാതി ആർക്കുമില്ലെന്നും മഞ്ജു പറഞ്ഞു.
2000 ലാണ് 'കണ്ടുകൊണ്ടേൻ കണ്ടുകൊണ്ടേൻ' എന്ന ചിത്രം രാജീവ് മേനോന്റെ സംവിധാനത്തിൽ പുറത്തിറങ്ങുന്നത്. മമ്മൂട്ടി, അജിത്, തബു, ഐശ്വര്യ റായ്, അബ്ബാസ്, ശ്രീവിദ്യ, ശ്യാമിലി എന്നിവരായിരുന്നു ചിത്രത്തിൽ പ്രധാനകഥാപാത്രങ്ങളെ അവതരിപ്പിച്ചത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
