പ്രണയിച്ച് പ്രണവും കല്യാണിയും, കണ്ണിൽ എന്റെ കണ്ണെറിഞ്ഞ് ​ഗാനത്തിന്റെ ടീസർ

മോഹൻലാൽ- പ്രിയദർശൻ ചിത്രം മരക്കാർ അറബിക്കടലിലെ സിംഹത്തിന്റെ രണ്ടാമത്തെ ​ഗാനത്തിന്റെ ടീസർ പുറത്ത്യ പ്രണവ് മോഹൻലാലും കല്യാണി പ്രിയദർശനും ഒന്നിക്കുന്ന പ്രണയ​ഗാനമാണ് പുറത്തുവന്നത്. കണ്ണിൽ എന്റെ കണ്ണെറിഞ്ഞ് ​കാണണം എന്നു തുടങ്ങുന്ന ​ഗാനം വിനീത് ശ്രീനിവാസനാണ് ആലപിച്ചിരിക്കുന്നത്. 

മലയാളത്തിന് പുറമെ, ഹിന്ദി, തമിഴ് ഭാഷകളിലും ​ഗാനമെത്തി. കാര്‍ത്തിക്കാണ് മറ്റു ഭാഷകളിൽ ​ഗാനം ആലപിച്ചിരിക്കുന്നത്. ശ്വേത മോഹനും സിയ ഉള്‍ ഹക്കുമാണ് മറ്റു ഗായകര്‍. കല്ല്യാണിയുടെ ജന്മദിനത്തിലാണ് ഗാനത്തിന്റെ ടീസര്‍ പുറത്തുവിട്ടത്. ​പ്രണവിന്റെ ഡാൻസും മനോഹരമായ പശ്ചാത്തലവുമാണ് ​ഗാനത്തിന്റെ ആകർഷണം. ഇതിനോടകം വൈറലായിരിക്കുകയാണ് വിഡിയോ.

നേരത്തെ കെ.എസ് ചിത്ര ആലപിച്ച കുഞ്ഞുകുഞ്ഞാലി ഗാനം പുറത്തുവിട്ടിരുന്നു. റോണി റാഫേലാണ് ചിത്രത്തിനായി സംഗീതം ഒരുക്കിയിരിക്കുന്നത്. മലയാളത്തിലെ ഏറ്റവും ചിലവേറിയ ചിത്രമെന്ന ഖ്യാതിയോടെയാണ് മരക്കാരര്‍ റിലീസ് ചെയ്യുന്നത്. 100 കോടി രൂപയാണ് ബജറ്റ്. 51-മത് ദേശീയ പുരസ്‌കാരത്തില്‍ മികച്ച ചിത്രത്തിനുള്ള പുരസ്‌കാരം മരക്കാര്‍ നേടിയിരുന്നു. മഞ്ജു വാര്യര്‍, അര്‍ജ്ജുന്‍, സുനില്‍ ഷെട്ടി, പ്രഭു, സുഹാസിനി, കീര്‍ത്തി സുരേഷ് തുടങ്ങി വമ്പൻ താരനിര ചിത്രത്തൽ അണിനിരക്കുന്നുണ്ട്.