മറിമായം ടീമിന്റെ 'പഞ്ചായത്ത് ജെട്ടി': ടീസർ പുറത്ത്

സൂപ്പർഹിറ്റ് ടെലിവിഷൻ പരമ്പരയായ മറിമായം ടീം ബി​ഗ് സ്ക്രീനിലേക്ക്. പഞ്ചായത്തു ജെട്ടി എന്ന സിനിമയിലാണ് മറിമായം ടീം ഒന്നിക്കുന്നത്. ചിത്രത്തിന്റെ ടീസർ പുറത്തുവന്നു.

മലയാള സിനിമാതാരങ്ങളായ മോഹൻലാൽ, മഞ്ജു വാര്യർ, കുഞ്ചാക്കോ ബോബൻ, ജയസൂര്യ, ഇന്ദ്രജിത്ത്, ആസിഫ് അലി, ഉണ്ണി മുകുന്ദൻ, ആൻ്റണി വർഗീസ്, ഷാഫി, അജു വർഗീസ്, നവ്യാ നായർ, മഞ്ജുപിള്ള, സുരഭിലഷ്മി, അന്നാ രേഷ്മരാജൻ, അനുശ്രീ, ലിയോണാ ലിഷോയ് ധ്യാൻ ശ്രീനിവാസൻ ,ജിയോ ബേബി എന്നിവരാണ് ടീസർ പങ്കുവച്ചത്. സീരിയൽ പോലെ തന്നെ നർമ്മത്തിന്റെ പശ്ചാത്തലത്തിലാണ് ചിത്രം ഒരുക്കിയത് എന്നാണ് ടീസർ നൽകുന്ന സൂചന.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

പരിമിതമായ യാത്രാ സൗകര്യം മാത്രമുള്ള ഒരു തീരദേശത്തിൻ്റെ കഥയാണ് ചിത്രം പറയുന്നത്. മറിമായത്തിലെ അഭിനേതാക്കളെല്ലാം ചിത്രത്തിലൂണ്ട്. കൂടാതെ സലിം കുമാറും ചിത്രത്തിൽ അഭിനയിക്കുന്നുണ്ട്. മണികണ്ഠൻ പട്ടാമ്പിയും, സലിം ഹസ്സനും ചേർന്നാണ് ചിത്രം തിരക്കഥ രചിച്ച് സംവിധാനം ചെയ്യുന്നത്. സപ്ത തരംഗ് ക്രിയേഷൻസും ഗോവിന്ദ് ഫിലിംസും ചേർന്നു നിർമ്മിക്കുന്ന ചിത്രം ജൂലൈ 26ന് റിലീസ് ചെയ്യും. പ്രേം പെപ് കോയും ബാലൻ കെ.മങ്ങാട്ടുമാണ് എക്സിക്കുട്ടീവ് പ്രൊഡ്യൂസേർസ് .