ബേസിൽ ജോസഫും ടൊവിനോ തോമസും ഒന്നിച്ച മിന്നൽ മുരളിയാണ് ഇപ്പോൾ സിനിമപ്രേമികളുടെ മനം കവരുന്നത്. നെറ്റ്ഫ്ളിക്സിലൂടെ റിലീസ് ചെയ്ത ചിത്രം ഇന്ത്യയിൽ ഉൾപ്പടെ പല രാജ്യങ്ങളിലും ട്രെൻഡിങ്ങാണ്. റിലീസിന് പിന്നാലെ ചിത്രത്തിന്റെ രണ്ടാം ഭാഗത്തേക്കുറിച്ചുള്ള ചർച്ചകളും സോഷ്യൽ മീഡിയയിൽ ചൂടുപിടിക്കുകയാണ്. അതിനിടെ ചിത്രത്തിന്റെ രണ്ടാം ഭാഗം ഉടൻ ഉണ്ടാകുമോ എന്ന ചോദ്യത്തിന് ഉത്തരവുമായി എത്തിയിരിക്കുകയാണ് നിർമാതാവ് സോഫിയ പോൾ.
ഉത്തരവുമായി സോഫിയ പോൾ
രണ്ടാം ഭാഗത്തെക്കുറിച്ച് ചിന്തിക്കാന് സമയമായിട്ടില്ല എന്നാണ് സോഫിയ പോള് പറഞ്ഞത്. 'ഇനി എന്താണ് വരാന് പോകുന്നത് എന്നു പറയാന് സമയമായിട്ടില്ല. ഞങ്ങളുടെ മനസില് എന്താണെന്ന് എനിക്കിപ്പോള് പറയാനാവില്ല. പക്ഷേ അതൊരു ഗംഭീര യാത്രതന്നെയായിരിക്കും. മിന്നല് മുരളി അടുത്തത് എന്തായിരിക്കും ചെയ്യുക എന്നറിയാന് പ്രേക്ഷകര് കാത്തിരിക്കുകയാണെന്ന് എനിക്ക് ഉറപ്പുണ്ട്.'- ദി ഫെഡറലിനു നൽകിയ അഭിമുഖത്തിൽ സോഫിയ പോൾ പറഞ്ഞു.
ഡിസംബർ 24നാണ് മിന്നൽ മുരളി റിലീസ് ചെയ്തത്. മലയാളം ഇതുവരെ കാണാത്ത പ്രമോഷനാണ് ചിത്രത്തിന് നെറ്റ്ഫ്ളിക്സ് ഒരുക്കിയത്. ഗോദ’ എന്ന ചിത്രത്തിന് ശേഷം ടൊവിനോയെ നായകനാക്കി ബേസിൽ സംവിധാനം ചെയ്യുന്ന രണ്ടാമത്തെ ചിത്രമാണ് മിന്നൽ മുരളി. മലയാളത്തിലെ ആദ്യ സൂപ്പർഹീറോ ചിത്രം എന്ന വിശേഷണത്തോടെയാണ് മിന്നൽ മുരളി എത്തിയത്. എന്തായാലും മികച്ച അഭിപ്രായമാണ് ചിത്രത്തിന് ലഭിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
