ന്യൂഡല്ഹി: വ്യക്തിത്വ അവകാശങ്ങള് സംരക്ഷിക്കപ്പെടണമെന്ന ആവശ്യവുമായി ഡല്ഹി ഹൈക്കോടതിയെ സമീപിച്ച് നടന് മോഹന്ലാല്. പേര്, ശബ്ദം, ചിത്രം, തനതായ ശൈലികള് എന്നിവ വാണിജ്യ ആവശ്യങ്ങള്ക്കായി ഉപയോഗിക്കുന്നത് തടയണമെന്നാണ് ആവശ്യം.
ഹര്ജി ഡല്ഹി ഹൈക്കോടതി നാളെ പരിഗണിക്കും. ജസ്റ്റിസ് ജ്യോതി സിംഗ് ആണ് ഹര്ജി കേള്ക്കുക. ഇതേ ആവശ്യം ഉന്നയിച്ച് സിനിമാ, ക്രിക്കറ്റ് മേഖലയില് നിന്നുള്ളവരും മറ്റ് സെലിബ്രിറ്റികളും സമീപ വര്ഷങ്ങളില് ഡല്ഹി ഹൈക്കോടതിയെ സമീപിച്ചിട്ടുണ്ട്. ബോളിവുഡ് താരങ്ങളായ അനില് കപൂറും അമിതാഭ് ബച്ചനുമൊക്കെ ആ കൂട്ടത്തില് പെടും. തങ്ങളുടെ പേര്, ശബ്ദം, ചിത്രങ്ങള് അടക്കമുള്ളവയുടെ അനുമതി കൂടാതെയുള്ള ഉപയോഗം അവസാനിപ്പിക്കണമെന്ന് ആവശ്യപ്പെട്ടുള്ള ഹര്ജിയാണ് ഇവരടക്കമുള്ള താരങ്ങള് നല്കിയിരുന്നത്.
പ്രധാനമായും പരസ്യങ്ങള്, ഉല്പന്നങ്ങള്, നിര്മ്മിത ബുദ്ധി ഉപയോഗിച്ച് സൃഷ്ടിക്കുന്ന ഉള്ളടക്കങ്ങള് എന്നിവയിലാണ് പ്രശസ്തരുടെ ശബ്ദവും ചിത്രങ്ങളുമൊക്കെ അനുമതിയില്ലാതെ ഉപയോഗിക്കപ്പെടുന്നത്. ഹര്ജിക്കാരുടെ വ്യക്തിത്വ അവകാശങ്ങള് സംരക്ഷിച്ചുകൊണ്ടുള്ള വിധികളാണ് കോടതി ഇതിനകം പുറപ്പെടുവിച്ചിട്ടുള്ളത്. ഏറ്റവുമൊടുവിലായി ഇത്തരത്തിലുള്ള ഒരു ഹര്ജി കോടതി പരിഗണിച്ചത് ബോളിവുഡ് നടി സൊനാക്ഷി സിന്ഹയുടേത് ആയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
