ദൃശ്യം 2  ഈ മാസമെത്തും? നിർണായക വിവരം പുറത്തുവിട്ട് മോഹൻലാൽ 

 2013 ൽ പുറത്തിറങ്ങിയ സൂപ്പർ ഹിറ്റ് ചിത്രമായ ദൃശ്യത്തിന്റ രണ്ടാം ഭാഗമാണ് ദൃശ്യം 2 . മോഹൻലാൽ - ജീത്തു ജോസഫ് ഒന്നിക്കുന്ന ചിത്രത്തിന് വേണ്ടി ആകാംക്ഷയോടെ കാത്തിരിക്കുകയാണ് പ്രേക്ഷകർ. ഒടുവിൽ ആ നിർണായക വിവരം മോഹൻലാൽ ആരാധകരെ അറിയിച്ചിരിക്കുകയാണ്. ആമസോൺ പ്രൈം വഴി റിലീസ് ചെയ്യുന്ന ദൃശ്യം സെക്കൻഡിന്റെ റിലീസ് തിയതി ഫെബ്രുവരി എട്ടിന് പ്രഖ്യാപിക്കും. 

രണ്ടാം ഭാ​ഗത്തിന്റെ ട്രയിലറും ഫെബ്രുവരി എട്ടിന് പുറത്തുവരുമെന്നാണ് മോഹൻലാൽ പങ്കുവച്ച വിവരം. ചിത്രത്തിന്റെ പോസ്റ്റ് പ്രൊഡക്ഷൻ ജോലികൾ പൂർത്തിയാക്കി സിനിമ ആമസോണിന് ജീത്തു ജോസഫ് കഴിഞ്ഞ ദിവസം കൈമാറിയിരുന്നു. ഈ മാലം അവസാനത്തോടെ സിനിമയുടെ റിലീസ് ഉണ്ടാകുമെന്നാണ് റിപ്പോർട്ടുകൾ. ഫെബ്രുവരി 17നോ 20നോ ചിത്രം പ്രേക്ഷകരിലെത്തുമെന്ന് നിരവിധിപ്പോർ മോഹൻലാലിന്റെ പോസ്റ്റിന് കമന്റായി കുറിക്കുന്നുണ്ട്. എന്നാൽ ഇതുസംബന്ധിച്ച ഔദ്യോ​ഗിക സ്ഥിരീകരണമൊന്നും ലഭിച്ചിട്ടില്ല. 

കോവിഡ് കാലത്താണ് ദൃശ്യം 2 പ്രഖ്യാപിച്ചത്. ചിത്രം തിയറ്ററിൽ റിലീസ് ചെയ്യുമെന്ന് പ്രതീക്ഷിച്ചിരിക്കെയാണ് ഞെട്ടിച്ചുകൊണ്ട് ഒടിടി റിലീസ് പ്രഖ്യാപനം എത്തിയത്. ദൃശ്യം 2 വിൽ മീന, സിദ്ദിഖ്, ആശ ശരത്, അൻസിബ, എസ്തർ, എന്നിവർ പ്രധാന വേഷങ്ങളിൽ എത്തുന്നു. ഇവരെകൂടാതെ ആദ്യഭാ​ഗത്തിലില്ലായിരുന്ന ഗണേഷ് കുമാർ, മുരളി ഗോപി, സായ്‍കുമാർ എന്നിവരുമുണ്ട്.