ന്യൂഡല്‍ഹി: താന്‍ ബീഫ് കഴിക്കുമെന്ന ആരോപണങ്ങള്‍ തള്ളി കങ്കണ റണാവത്ത് രംഗത്തെത്തിയതിന് പിന്നാലെ പഴയ ഇന്റര്‍വ്യൂ പുറത്തുവിട്ട് മാധ്യമപ്രവര്‍ത്തകനായ മുഹമ്മദ് സുബൈര്‍. നടിയും ബിജെപി സ്ഥാനാര്‍ഥിയുമായ കങ്കണ താന്‍ ബീഫ് കഴിക്കില്ലെന്നും അഭിമാനിയായ ഹിന്ദുവാണെന്നും വെളിപ്പെടുത്തി രംഗത്തെത്തിയിരുന്നു.
''ഞാന്‍ ബീഫോ മറ്റേതെങ്കിലും മാംസമോ കഴിക്കാറില്ല. തികച്ചും അടിസ്ഥാനരഹിതമായ വാര്‍ത്തകള്‍ എന്നെക്കുറിച്ച് പ്രചരിപ്പിക്കുന്നത് ലജ്ജാകരമാണ്. കഴിഞ്ഞ 10 വര്‍ഷമായി ഞാന്‍ യോഗ-ആയുര്‍വേദ ജീവിതരീതി പിന്തുടരുകയും പ്രോത്സാഹിപ്പിക്കുകയും ചെയ്യുന്നു. എന്റെ പ്രതിച്ഛായ തകര്‍ക്കാനുള്ള ഇത്തരം തന്ത്രങ്ങള്‍ ഫലിക്കില്ല. എന്റെ ആളുകള്‍ക്ക് എന്നെ അറിയാം. അവരെ തെറ്റിദ്ധരിപ്പിക്കാന്‍ ഒന്നിനും കഴിയില്ല. ഞാനൊരു അഭിമാനിയായ ഹിന്ദുവാണ്''-കങ്കണ എക്സില്‍ കുറിച്ചു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
ഇതിന് മറുപടിയായാണ് മാധ്യമപ്രവര്‍ത്തകനായ മുഹമ്മദ് സുബൈര്‍ രംഗത്തെത്തിയത്. നിങ്ങള്‍ ബീഫ് ഇഷ്ടപ്പെട്ടിരുന്നുവെന്ന് പലതവണ ഇന്റര്‍വ്യൂകളില്‍ പറഞ്ഞിട്ടുണ്ടെന്ന് മുഹമ്മദ് സുബൈര്‍ ട്വീറ്റ് ചെയ്തു. കങ്കണയുടെ അഭിമുഖത്തിന്റെ ഭാഗങ്ങളും ട്വീറ്റില്‍ ഉള്‍പ്പെടുത്തിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
