സംഗീതസംവിധായകൻ മനു രമേശന്റെ ഭാര്യ ഉമ അന്തരിച്ചു 

സംഗീതസംവിധായകൻ മനു രമേശന്റെ ഭാര്യ ഉമ (35) അന്തരിച്ചു. തലവേദനയെത്തുടർന്ന് ഇന്ന്  പുലർച്ചെ ആശുപത്രിയിലേയ്ക്കു കൊണ്ടുപോകുന്ന വഴിയായിരുന്നു അന്ത്യം. മരണശേഷം നടത്തിയ കോവിഡ് പരിശോധനയുടെ ഫലം നെ​ഗറ്റീവ് ആണ്. 

അധ്യാപികയായിരുന്നു ഉമയ്ക്ക് ഈയടുത്ത് ഡോക്ടറേറ്റ് ലഭിച്ചിരുന്നു. എറണാകുളം പേരണ്ടൂർ ആണ് ഇവർ താമസിച്ചിരുന്നത്. മനുവിനും ഉമയ്ക്കും അഞ്ചു വയസ്സുള്ള ഒരു മകളുണ്ട്. 

‘ഗുലുമാൽ ദ് എസ്കേപ്’, ‘പ്ലസ് ടു’, ‘അയാൾ ഞാനല്ല’ എന്നീ ചിത്രങ്ങളിലെ സം​ഗീത സം‌വിധാനത്തിലൂടെ ശ്രദ്ധനേടിയ സംഗീതസംവിധായകനാണ് മനു രമേശൻ.