നിവിൻ പോളി നായകനായി എത്തുന്ന ചിത്രം 'ഏഴ് കടല്‍ ഏഴ് മലൈ'യിലെ ആദ്യഗാനം പുറത്തിറങ്ങി. 'മറുപടി നീ' എന്ന ഗാനത്തിന്റെ ലിറിക്കല്‍ വിഡിയോയാണ് ഇപ്പോള്‍ പുറത്തിറങ്ങിയിരിക്കുന്നത്. യുവന്‍ ശങ്കര്‍ രാജ സംഗീതം ചെയ്ത ഗാനം ആലപിച്ചിരിക്കുന്നത് നടൻ സിദ്ധാർത്ഥും യുവൻ ശങ്കർ രാജയും ചേർന്നാണ്.
ശതാബ്ദങ്ങളായി പടര്‍ന്ന് പന്തലിച്ച് കിടക്കുന്ന പ്രണയത്തിന്റെയും സഹാനുഭൂതിയുടെയും അതിജീവനത്തിനത്തിന്റെയും മനോഹരമായ കഥ പറയുന്ന ചിത്രത്തിന്റെ സംവിധാനം റാം ആണ്. അഞ്ജലിയാണ് ചിത്രത്തിൽ നായികയായി എത്തുന്നത്.
റോട്ടര്‍ഡാം ഇന്റര്‍നാഷണല്‍ ഫിലിം ഫെസ്റ്റിവലില്‍ വെച്ച് നടന്ന പ്രീമിയം ഷോയ്‌ക്ക് മികച്ച നിരൂക പ്രശംസയും ചിത്രം നേടിയിരുന്നു. എൻ കെ ഏകാംബരമാണ് ചിത്രത്തിന്റെ ഛായാഗ്രാഹണം നിർവഹിച്ചിരിക്കുന്നത്. വി ഹൗസ് പ്രൊഡക്ഷന്‍സിന്റെ ബാനറില്‍ സുരേഷ് കാമാച്ചിയാണ് ചിത്രം നിര്‍മിച്ചിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
