'നീയെന്നൊരാളിൽ', സുരേഷ് ​ഗോപിയും നൈല ഉഷയും; 'പാപ്പനി'ലെ ഗാനം കേൾക്കാം 

സുരേഷ് ​ഗോപി - ജോഷി കൂട്ടുകെട്ടിൽ എത്തുന്ന 'പാപ്പനി'ലെ ഗാനം റിലീസ് ചെയ്തു. 'നീയെന്നൊരാളിൽ' എന്ന് തുടങ്ങുന്ന ഗാനം ഒരുക്കിയിരിക്കുന്നത് ജേക്ക്സ് ബിജോയ് ആണ്. സുരേഷ് ​ഗോപിയും നൈല ഉഷയുമാണ് ​ഗാനരം​ഗങ്ങളിൽ ഉള്ളത്. വിജയ് യേശുദാസ് ആണ് ഗാനം ആലപിച്ചിരിക്കുന്നത്.

ജോഷിയും സുരേഷ് ഗോപിയും ഏഴ് വർഷങ്ങൾക്ക് ശേഷം ഒന്നിക്കുന്ന 'പാപ്പൻ' ജൂലൈ 29ന് തിയറ്ററുകളിൽ റിലീസിനെത്തും. 2014ൽ പുറത്തിറങ്ങിയ സലാം കശ്മീരാണ് ജോഷിയും സുരേഷ് ഗോപിയും ഒന്നിച്ച അവസാന ചിത്രം. സുരേഷ് ഗോപിക്കൊപ്പം മകൻ ഗോകുൽ സുരേഷ് ആദ്യമായി ഒന്നിക്കുന്നു എന്ന പ്രത്യേകതയും പാപ്പൻ സിനിമക്കുണ്ട്. സുരേഷ് ഗോപിയുടെ കരിയറിലെ 252-ാം ചിത്രമായ പാപ്പനിൽ 'എബ്രഹാം മാത്യൂസ് പാപ്പൻ ഐ.പി.എസ്' എന്ന കഥാപാത്രത്തെയാണ് താരം അവതരിപ്പിക്കുന്നത്. 

നൈല ഉഷ, കനിഹ, നീത പിള്ള എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ഗോകുലം ഗോപാലൻ, ഡേവിഡ് കാച്ചപ്പിള്ളി, റാഫി മതിര, എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. ആർ ജെ ഷാനാണ് ചിത്രത്തിന് തിരക്കഥ ഒരുക്കിയത്. 

ഈ വാര്‍ത്ത കൂടി വായിക്കൂ 

വിജയ് സേതുപതി നായകൻ, നായിക നിത്യാ മേനോൻ;  മലയാള ചിത്രം 19(1)(എ) ഹോട്ട്സ്റ്റാറിൽ റിലീസ് 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ