'ടോപ്‌ലെസ്‌' ആയി കയ്യിൽ ചിത്രശലഭവും പിടിച്ച് പായൽ, മംഗൾവാരം ഫസ്റ്റ്ലുക്ക് പോസ്റ്റർ
ടോപ്‌ലെസ്‌ ആയി കയ്യിൽ ചുവന്ന ചിത്രശലഭവും പിടിച്ച് സുന്ദരിയായി നടി പായൽ രജ്‌പുത്. അജയ് ഭൂപതി സംവിധാനം ചെയ്യുന്ന തെലുങ്ക് ചിത്രം മംഗൾവാരത്തിന്റെ ഫസ്റ്റ്ലുക്ക് പോസ്റ്റർ പുറത്ത് വിട്ട് അണിയറപ്രവർത്തകർ. തൊണ്ണൂറുകളുടെ പശ്ചാത്തലത്തിൽ ഒരുങ്ങുന്ന ഹൊറർ ആക്ഷൻ ത്രില്ലറാണ് ചിത്രം. മലയാളത്തിൽ 'ചൊവ്വാഴ്ച' എന്നാണ് സിനിമയുടെ പേര്.
ആർഎക്സ് ഹണ്ട്രഡ് എന്ന തെലുങ്ക് ചിത്രത്തിന് ശേഷം സംവിധായകൻ അജയ് ഭൂപതിയും നടി പായൽ രജ്‌പുത്തും വീണ്ടും ഒന്നിക്കുന്ന ചിത്രം മുദ്ര മീഡിയ വർക്‌സിന്റെ ബാനറിൽ സ്വാതി ഗുണുപതി, സുരേഷ് വർമ്മ എം എന്നിവർ ചേർന്നാണ് നിർമിക്കുന്നത്. തെലുങ്കിൽ കൂടാതെ തമിഴ്, മലയാളം, കന്നഡയിലും ചിത്രം റിലീസ് ചെയ്യും. കാന്താരയ്‌ക്ക് സംഗീതം ഒരുക്കിയ അജനീഷ് ലോക്നാഥ് ആണ് മംഗൾവാരത്തിനും സംഗീതം ചെയ്യുന്നത്.
ചിത്രത്തിൽ ശൈലജ എന്ന കഥാപാത്രത്തെയാണ് പായൽ അവതരിപ്പിക്കുന്നത്. ദയാനന്ദ് റെഡ്ഡി, കമൽ കൃഷ്ണ എന്നിവരാണ് ചിത്രത്തിലെ മറ്റ് പ്രധാന വേഷങ്ങൾ അവതരിപ്പിക്കുന്നത്. 2018ൽ പുറത്തിറങ്ങിയ റൊമാന്റിക്ക് ചിത്രം ആർഎക്സ് ഹണ്ട്രഡ് എന്ന ചിത്രത്തിലൂടെയാണ് മിനിസ്ക്രീൻ താരമായിരുന്ന പായൽ രജപുത് ശ്രദ്ധിക്കപ്പെടുന്നത്. ചിത്രത്തിൽ ഗ്ലാമർ വേഷത്തിലായിരുന്നു താരം എത്തിയത്. ചിത്രത്തിന്റെ ഫസ്റ്റ്ലുക്ക് പോസ്റ്റർ പായൽ രജ്‌പുതയും ട്വിറ്റർ പങ്കുവെച്ചിട്ടുണ്ട്. മംഗൾവാരത്തിലെ ഉഗ്രസുന്ദരിയായ ഷൈലജയെ അവതരിപ്പിക്കുന്നു എന്ന ക്യാപ്‌ഷനോടെയാണ് പായൽ പോസ്റ്റർ പങ്കുവെച്ചിരിക്കുന്നത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
