പുഷ്പ 2 വിന്റെ പ്രമോഷന്‍ തിരക്കിലാണ് നടന്‍ അല്ലു അര്ജുന്. കഴിഞ്ഞ ദിവസം മുംബൈയിലായിരുന്നു താരം എത്തിയത്. പ്രമോഷന്‍ ചടങ്ങിനിടെ ആരാധകരെ പ്രശംസിച്ചുകൊണ്ട് താരം സംസാരിച്ചിരുന്നു. ആരാധകരാണ് തന്റെ സൈന്യം എന്നാണ് അല്ലു അര്ജുന് പറഞ്ഞത്. ഇതിന്റെ പേരില്‍ അല്ലു അര്‍ജുനെതിരെ പരാതി ഉയര്‍ന്നിരിക്കുകയാണ്.
ശ്രീനിവാസ് ഗൗഡ് എന്ന ആളാണ് താരത്തിനെതിരെ ഹൈദരാബാദ് ജവഹര്‍ നഗര്‍ പൊലീസ് സ്റ്റേഷനില്‍ പരാതി നല്‍കിയത്. ആരാധകരെ അല്ലു അര്ജുന് സൈന്യം എന്ന് വിളിക്കരുത് എന്ന് പറഞ്ഞുകൊണ്ടുള്ളതാണ് പരാതി. സൈന്യം എന്ന് പറയുന്നത് മാന്യതയുള്ള ജോലിയാണ്. രാജ്യത്തിന്റെ സംരക്ഷണം അവരുടെ കയ്യിലാണ്. ആരാധകരെ അങ്ങനെ വിളിക്കുന്നത് ശരിയല്ല. അതിനു പകരം മറ്റ് പല വാക്കുകളും അല്ലു അര്ജുന് ഉപയോഗിക്കാം എന്നാണ് പരാതിയില്‍ പറയുന്നത്.
തനിക്ക് ആരാധകരില്ല സൈന്യമാണ് ഉള്ളത് എന്നായിരുന്നു മുംബൈയില്‍ അല്ലു അര്ജുന് പറഞ്ഞത്. 'എനിക്ക് ആരാധകരില്ല, എനിക്ക് സൈന്യമാണ് ഉള്ളത്. ഞാന്‍ എന്റെ ആരാധകരെ സ്‌നേഹിക്കുന്നു. അവരെന്റെ കുടുംബം പോലെയാണ്. അവര്‍ എനിക്കൊപ്പം നില്‍ക്കും. എന്നെ ആഘോഷിക്കും. ഒരു സൈന്യം പോലെയാണ് അവര്‍ എനിക്കൊപ്പം നില്‍ക്കുന്നത്. നിങ്ങള്‍ എല്ലാവരേയും ഞാന്‍ സ്‌നേഹിക്കുന്നു. സിനിമ വന്‍ ഹിറ്റാവുകയാണെങ്കില്‍ എന്റെ ആരാധകര്‍ക്ക് ഞാന്‍ ഈ ചിത്രം സമര്‍പ്പിക്കും.' - അല്ലു അര്ജുന് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
