സംവിധായകന്റെ പേര് എവിടെ പോയി? 'ഒരു ദുരൂഹസാഹചര്യത്തില്' ക്രിസ്മസ് പോസ്റ്റര് ചര്ച്ചയാവുന്നു
കുഞ്ചാക്കോ ബോബനൊപ്പം ദിലീഷ് പോത്തന്, സജിന് ഗോപു, സംവിധായകന് ചിദംബരം എന്നിവര് ഒന്നിക്കുന്ന പുതിയ ചിത്രമാണ്. 'ഒരു ദുരൂഹ സാഹചര്യത്തില്'. രതീഷ് ബാലകൃഷ്ണ പൊതുവാള് സംവിധാനം ചെയ്യുന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് ഏറെ ചര്ച്ചയായിരുന്നു. ഇപ്പോഴിതാ ക്രിസ്മസുമായി ബന്ധപ്പെട്ട അണിയറപ്രവര്ത്തകര് പുറത്തിറക്കിയ പോസ്റ്ററാണ് സോഷ്യല് മീഡിയയില് ചര്ച്ചയാവുന്നത്. രതീഷ് ബാലകൃഷ്ണ പൊതുവാളിന്റെ പേര് പോസ്റ്ററില് എവിടെയും ഇല്ല. പകരം ലിസ്റ്റിന് സ്റ്റീഫനും, കുഞ്ചാക്കോ ബോബനും ആണ് ഉള്ളത്.
മഞ്ഞുമ്മല് ബോയ്സ് അടക്കമുള്ള വിജയ ചിത്രങ്ങള് സംവിധാനം ചെയ്തിട്ടുള്ള ചിദംബരത്തിന്റെ നടനായുള്ള അരങ്ങേറ്റമാണ് ഈ ചിത്രം. സുധീഷ്, ജാഫര് ഇടുക്കി, രാജേഷ് മാധവന്, ഷാഹി കബീര്, കുഞ്ഞികൃഷ്ണന് മാഷ്, ശരണ്യ രാമചന്ദ്രന്, പൂജ മോഹന്രാജ് എന്നിവരും ചിത്രത്തില് പ്രധാന വേഷത്തിലെത്തുന്നുണ്ട്.
മാജിക് ഫ്രെയിംസ്, ഉദയ പിക്ചേഴ്സ് എന്നീ ബാനറുകളില് ലിസ്റ്റിന് സ്റ്റീഫനും കുഞ്ചാക്കോ ബോബനും ചേര്ന്നാണ് ചിത്രം നിര്മ്മിക്കുന്നത്. ജസ്റ്റിന് സ്റ്റീഫന് ആണ് കോ പ്രൊഡ്യൂസര്. ഛായാഗ്രഹണം അര്ജുന് സേതു, എഡിറ്റിംഗ് മനോജ് കണ്ണോത്ത്, സംഗീതം ഡോണ് വിന്സെന്റ്, ലൈന് പ്രൊഡ്യൂസര് സന്തോഷ് കൃഷ്ണന്, പ്രൊഡക്ഷന് ഇന് ചാര്ജ് അഖില് യശോധരന്, എക്സിക്യൂട്ടീവ് പ്രൊഡ്യൂസര് നവീന് പി തോമസ്, കലാസംവിധാനം ഇന്ദുലാല് കവീട്, സിങ്ക് ആന്ഡ് സൗണ്ട് ഡിസൈന് ശ്രീജിത്ത് ശ്രീനിവാസന്, സൗണ്ട് മിക്സിംഗ് വിപിന് നായര്, മേക്കപ്പ് റോണക്സ് സേവ്യര്, വസ്ത്രാലങ്കാരം മെല്വി ജെ, പ്രൊഡക്ഷന് കണ്ട്രോളര് ദീപക് പരമേശ്വരന്, ഡാന്സ് കൊറിയോഗ്രഫി ഡാന്സിംഗ് നിന്ജ, ആക്ഷന് കൊറിയോഗ്രഫി വിക്കി നന്ദഗോപാല്, ചീഫ് അസോസിയേറ്റ് ഡയറക്ടര് അജിത്ത് വേലായുധന്,
അഡ്മിനിസ്ട്രേഷന് ആന്ഡ് ഡിസ്ട്രിബ്യൂഷന് ഹെഡ് ബബിന് ബാബു, പിആര്ഒ മഞ്ജു ഗോപിനാഥ്, മാര്ക്കറ്റിംഗ് ആഷിഫ് അലി, സൗത്ത് ഫ്രെയിംസ് എന്റര്ടെയ്ന്മെന്റ്, സ്റ്റില്സ് പ്രേംലാല് പട്ടാഴി, ഡിസൈന് യെല്ലോടൂത്ത്സ്, വിതരണം മാജിക് ഫ്രെയിംസ് റിലീസ്, ഡിജിറ്റല് പ്രൊമോഷന്സ് മാര്ട്ടിന് ജോര്ജ്, അഡ്വര്ടൈസിംഗ് ബ്രിങ് ഫോര്ത്ത്. വയനാട്, തിരുനെല്ലി എന്നീ ലൊക്കേഷനുകളിലായാണ് ചിത്രത്തിന്റെ ഷൂട്ടിംഗ് പൂര്ത്തിയായത്.
കുഞ്ചാക്കോ ബോബന് കരിയറില് ഓര്ത്തിരിക്കാവുന്ന ഒരു ചിത്രം നല്കിയ സംവിധായകനാണ് രതീഷ് ബാലകൃഷ്ണന് പൊതുവാള്. 2022 ല് പുറത്തിറങ്ങിയ ന്നാ താന് കേസ് കൊട് ആയിരുന്നു ആ ചിത്രം. ചാക്കോച്ചന്റെ അഭിനയ ജീവിതത്തിലെ വ്യത്യസ്ത കഥാപാത്രമായിരുന്നു ചിത്രത്തിലേത്. ചിത്രം വലിയ വിജയവും നേടിയിരുന്നു.
Poster without the director's name
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
