പ്രാവിൻകൂട് ഷാപ്പും ഒടിടിയിലേക്ക്; റിലീസ് തീയതി പ്രഖ്യാപിച്ചു

സൗബിന്‍ ഷാഹിര്‍, ബേസില്‍ ജോസഫ് എന്നിവർ പ്രധാന വേഷത്തിലെത്തിയ ചിത്രമാണ് പ്രാവിൻകൂട് ഷാപ്പ്. അന്‍വര്‍ റഷീദ് നിര്‍മിച്ച ചിത്രം നവാഗതനായ ശ്രീരാജ് ശ്രീനിവാസന്‍ ആണ് സംവിധാനം ചെയ്തത്. ഒരു ഷാപ്പില്‍ നടക്കുന്ന മരണവും, ആ മരണത്തെ ചുറ്റിപറ്റി നടക്കുന്ന സംഭവങ്ങളും കേസ് അന്വേഷണവുമാണ് ചിത്രം പറയുന്നത്.

പ്രാവിൻകൂട് ഷാപ്പിന്റെ ഒടിടി റിലീസ് തീയതി പുറത്തുവിട്ടിരിക്കുകയാണ് അണിയറപ്രവർത്തകരിപ്പോൾ. ഏപ്രില്‍ 11ന് സോണി ലിവില്‍ ചിത്രം സ്ട്രീമിങ് ആരംഭിക്കും. ചാന്ദ്‌നി, ചെമ്പൻ വിനോദ് എന്നിവരും ചിത്രത്തിൽ പ്രധാന വേഷത്തിലെത്തിയിരുന്നു.

'ശ്രദ്ധിക്കുക, അപ്പോഴാണ് ചെകുത്താൻ നിങ്ങളെ തേടി വരുന്നത്'! എംപുരാൻ അപ്ഡേറ്റുമായി പൃഥ്വിരാജ്

പൊലീസുകാരനായാണ് ചിത്രത്തിൽ ബേസിലെത്തിയത്. മഞ്ഞുമ്മൽ ബോയ്സ് എന്ന ഹിറ്റ് ചിത്രത്തിന് ശേഷം ഷൈജു ഖാലിദ് ഛായാഗ്രഹണം നിർവഹിച്ച ചിത്രമാണിത്. തല്ലുമാല, ഫാലിമി എന്നീ ചിത്രങ്ങൾക്ക് ശേഷം വിഷ്ണു വിജയ് സംഗീതം ഒരുക്കിയ ചിത്രം കൂടിയാണിത്.