'പട്ടി ഷോയ്ക്ക് ഉത്തരം പറയാൻ സമയമില്ലെന്ന്' വിജയ് ബാബു; മറുപടിയുമായി സാന്ദ്ര തോമസ്

നിർമാതാക്കളുടെ സംഘടനയിലെ തെരഞ്ഞെടുപ്പ് നടക്കാനിരിക്കെ ഫെയ്സ്ബുക്കിൽ പരസ്പരം ഏറ്റുമുട്ടി വിജയ് ബാബുവും സാന്ദ്ര തോമസും. അസോസിയേഷൻ തെരഞ്ഞെടുപ്പിലെ തന്റെ പത്രികകൾ തള്ളിയതിനെതിരെ സാന്ദ്ര തോമസ് സമർപ്പിച്ച ഹർജി കോടതി തള്ളിയതിന് പിന്നാലെ സാന്ദ്രക്കെതിരെ വിജയ് ബാബു ഫെയ്സ്ബുക്കിൽ കുറിപ്പ് പങ്കുവച്ചിരുന്നു.

സാന്ദ്രയുമായുള്ള പാർട്ണർഷിപ്പ് അവസാനിപ്പിച്ചതിനു ശേഷം താനൊരു നായ്ക്കുട്ടിയെ വളർത്താൻ തുടങ്ങിയെന്നും അത് സാന്ദ്രയേക്കാൾ വിശ്വസിക്കാൻ കൊള്ളാമെന്നുമാണ് വിജയ് ബാബു കുറിച്ചത്. വിജയ് ബാബുവിന് പട്ടിയെ വിശ്വസിക്കാം, പട്ടി വിജയ് ബാബുവിനെ വിശ്വസിക്കുന്നതിലാണ് തനിക്ക് പേടി എന്നായിരുന്നു ഇതിന് സാന്ദ്രയുടെ മറുപടി.

സാന്ദ്രയുടെ പട്ടി ഷോയ്ക്ക് മറുപടി നൽകാൻ ഇനി സമയമില്ലെന്ന് വിജയ് ബാബുവും തിരിച്ചടിച്ചു. നിയമം പരിശോധിക്കുന്നത് വിജയ് ബാബുവിന്റെ സർട്ടിഫിക്കറ്റ് അല്ല. മറിച്ച് അസോസിയേഷന്റെ ബൈലോയിൽ പറഞ്ഞിരിക്കുന്ന കാര്യങ്ങളാണ്.

നിയമത്തിന്റെ കണ്ണിൽ എങ്ങനെ എന്നുള്ളതാണ്. അത് കോടതി വിലയിരുത്തും. അത്രേ എനിക്ക് പറയാനുള്ളൂ സാന്ദ്ര എന്ന് മറ്റൊരു ഫെയ്സ്ബുക്ക് കുറിപ്പിൽ വിജയ് ബാബു പങ്കുവച്ചിരുന്നു.

വിജയ് ബാബുവിന്റെ ഫെയ്സ്ബുക്ക് കുറിപ്പ്‌

നിയമം പരിശോധിക്കുന്നത് വിജയ് ബാബുവിന്റെ സർട്ടിഫിക്കറ്റ് അല്ല, മറിച്ച് അസോസിയേഷന്റെ ബെലോയിൽ പറഞ്ഞിരിക്കുന്ന കാര്യങ്ങൾ ആണ് നിയമത്തിന്റെ കണ്ണിൽ എങ്ങനെ എന്നുള്ളതാണ്, അത് കോടതി വിലയിരുത്തും. അത്രേ എനിക്കുപറയാനുള്ളു Sandra

Sandra ഇനി ഓക്കാനിക്കുമ്പോൾ സൂക്ഷ്മ‌ത പുലർത്തിയാൽ സമൂഹത്തിൽ അപഹാസ്യരാവാതിരിക്കാമെന്ന് ഓർത്താൽ നന്ന്.

Reposting my post with an edit after the court verdict ..

സാന്ദ്ര തോമസിന് ഫ്രൈഡേ ഫിലിം ഹൗസിനെ പ്രതിനിധീകരിക്കാനും യോഗ്യതയില്ലാത്ത തസ്തികകളിലേക്ക് മത്സരിക്കാനും കഴിയില്ല.

Sandra തന്റെ സ്ഥാപനത്തെ പ്രതിനിധീകരിച്ച് അവൾ മത്സരിക്കുന്ന എക്സിക്യൂട്ടീവ് കമ്മിറ്റി സ്ഥാനത്തേക്ക് മാത്രമേ മത്സരിക്കാൻ കഴിയൂ. ആരാണ് അതിനെ എതിർക്കുന്നത്. അവൾക്കും എല്ലാവിധ ആശംസകളും നേരുന്നു.

എനിക്കറിയാവുന്നിടത്തോളം സെൻസർ വ്യക്തികൾക്കല്ല, സ്ഥാപനത്തിനാണ്. കോടതി അത് വ്യക്തമായി പറഞ്ഞിട്ടുണ്ട്.

കുറച്ചുകാലം ഫ്രൈഡേ ഫിലിം ഹൗസിനെ പ്രതിനിധീകരിച്ച അവർ 2016 ൽ നിയമപരമായി രാജിവച്ചു (എല്ലാം കോടതി നോട്ടറി ചെയ്തു) അവരുടെ വിഹിതമോ അതിൽ കൂടുതലോ വാങ്ങിയ ശേഷം. 10 വർഷമായി ഫ്രൈഡേ ഫിലിം ഹൗസുമായി അവർക്ക് ഒരു ബന്ധവുമില്ല. കോടതി തീരുമാനിച്ചു. തീരുമാനത്തെ മാനിക്കുന്നു.

**pls remember .. technology is for everyone.

My icloud and all the chats are here with me too from 2010. Keep your narratives for u and for your fake limelight by taking names of people who has made a mark and are successful in their own ways . Do not exhibit your jeloysy in public . Don’t provoke me . Then i will have my narrative alongwith solid proof .

Thankss sandra….. I love animals .. they are more trust worthy than humans .