തിരുപ്പതി ലഡ്ഡുവിനെക്കുറിച്ച് ചോദ്യം; സോറി പറഞ്ഞ് രജനീകാന്ത്- വിഡിയോ

ചെന്നൈ: തിരുപ്പതി ലഡ്ഡു വിവാദത്തോട് പ്രതികരിക്കാതെ സൂപ്പര്‍താര് രജനീകാന്ത്. ചെന്നൈ വിമാനത്തില്‍ വച്ചുള്ള മാധ്യമങ്ങളുടെ ചോദ്യത്തോടാണ് താരം പ്രതികരിക്കാതിരുന്നത്.

വിമാനത്താവളത്തില്‍ നിന്ന് പുറത്തിറങ്ങിയ താരത്തെ മാധ്യമങ്ങള്‍ പൊതിയുകയായിരുന്നു. തിരുപ്പതി ലഡ്ഡുവില്‍ മൃഗക്കൊഴുപ്പ് കണ്ടെത്തി എന്ന വാര്‍ത്തയോടുള്ള പ്രതികരണം എന്താണ് എന്നായിരുന്നു ചോദ്യം. ഇതിനോട് സോറി, നോ കമന്റ്‌സ് എന്നായിരുന്നു മറുപടി. ഇത് പറഞ്ഞ് ചിരിച്ചുകൊണ്ട് വണ്ടിയില്‍ കയറുന്ന രജനീകാന്തിന്റെ വിഡിയോ വൈറലാവുകയാണ്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

കഴിഞ്ഞ ദിവസം രാഷ്ട്രീയ ചോദ്യം ചോദിച്ചതിന് മാധ്യമപ്രവര്‍ത്തകനോട് താരം ദേഷ്യപ്പെട്ടിരുന്നു. ഉദയനിധി സ്റ്റാലിനെ ഉപമുഖ്യമന്ത്രിയാക്കുന്നതിനെ കുറിച്ചായിരുന്നു ചോദ്യം. രാഷ്ട്രീയം ചോദിക്കരുതെന്ന് എത്ര പ്രാവശ്യം പറഞ്ഞിട്ടുണ്ട് എന്നാണ് താരം മറുപടി നല്‍കിയത്.