'എൻ്റെ ജീവിതത്തിൽ ഇതുപോലെയൊന്ന് ഞാൻ ചെയ്തിട്ടില്ല', ​ഗെയിം ചെയ്ഞ്ചറിലെത്തുക ജബിലമ്മ അക്കയായി; കിയാര

റാം ചരൺ നായകനായെത്തുന്ന പൊളിറ്റിക്കൽ ത്രില്ലർ ചിത്രമാണ് ​ഗെയിം ചെയ്ഞ്ചർ. ശങ്കർ സംവിധാനം ചെയ്യുന്ന ചിത്രം ഡിസംബറിൽ പ്രേക്ഷകരിലേക്കെത്തുമെന്ന് ചിത്രത്തിന്റെ നിർമാതാവ് ദിൽ രാജു മുൻപ് പറഞ്ഞിരുന്നു. ബോളിവുഡ് താരം കിയാര അഡ്വാനിയാണ് ചിത്രത്തിൽ നായികയായെത്തുന്നത്. കിയാരയുടെ 33-ാം പിറന്നാളിനോടനുബന്ധിച്ച് വ്യാഴാഴ്ച താരത്തിന്റെ ക്യാരക്ടർ ലുക്ക് പോസ്റ്റർ‌ പുറത്തുവിട്ടിരുന്നു.

കളർഫുള്ളായ ക്യാരക്ടർ ലുക്കാണ് അണിയറപ്രവർത്തകർ പുറത്തുവിട്ടിരിക്കുന്നത്. ജബിലമ്മ അക്ക എന്നാണ് ചിത്രത്തിലെ താരത്തിന്റെ കഥാപാത്രത്തിന്റെ പേര്. കിയാരയുടെ തെന്നിന്ത്യയിലേക്കുള്ള അരങ്ങേറ്റം കൂടിയാണ് ​ഗെയിം ചെയ്ഞ്ചർ. മുൻപ് ചിത്രത്തിലെ ജര​ഗണ്ടി എന്ന് തുടങ്ങുന്ന ​ഗാനവും അണിയറപ്രവർത്തകർ പുറത്തുവിട്ടിരുന്നു. പാട്ട് സോഷ്യൽ മീഡിയയിൽ ട്രെൻഡിങ് ആവുകയും ചെയ്തിരുന്നു.

ജര​ഗണ്ടിയെക്കുറിച്ച് കിയാര ഒരു മാധ്യമത്തിന് നൽകിയ അഭിമുഖത്തിൽ പറഞ്ഞ കാര്യങ്ങളും സോഷ്യൽ മീഡിയയിൽ വൈറലാവുകയാണ്. ​"എന്നെ സംബന്ധിച്ചിടത്തോളം ഇങ്ങനെയൊരു മാസ് ഗാനം ചെയ്യുന്നത് വളരെ രസകരമായിരുന്നു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

എൻ്റെ ജീവിതത്തിൽ ഇതുവരെ ഇതുപോലെയൊരു പാട്ട് ഞാൻ ചെയ്തിട്ടില്ല. ഈ പാട്ട് പുറത്തിറങ്ങിയതിന് ശേഷമാണ് എനിക്ക് ഏറ്റവും കൂടുതൽ ഫോൺ കോളുകൾ വന്നത്. ശങ്കർ സാർ പോലും പറഞ്ഞു ഈ ഗാനത്തിൽ ഞാൻ വളരെ എക്സ്പ്രസീവാണെന്ന്. ചിത്രത്തിലെ ഓരോ ഗാനവും ഒന്നിനൊന്ന് വ്യത്യസ്തമാണെ"ന്നും കിയാര അഭിമുഖത്തിൽ പറഞ്ഞിരുന്നു.